દિલ્હી LGના શપથ ગ્રહણ સમારોહમાં પૂર્વ કેન્દ્રીય મંત્રી ડૉ.હર્ષવર્ધન થયા ગુસ્સે

વિનય કુમાર સક્સેનાએ ગુરુવારે દિલ્હીના લેફ્ટનન્ટ ગવર્નર (LG) તરીકે શપથ લીધા. BJP સાંસદ અને પૂર્વ કેન્દ્રીય મંત્રી ડૉ.હર્ષવર્ધન શપથ ગ્રહણ સમારોહમાં ગુસ્સે થઈ ગયા અને સમારોહ પણ છોડી દીધો. વાસ્તવમાં, તે કાર્યક્રમમાં જે જગ્યાએ બેઠા હતા તેનાથી તે સંતુષ્ટ નહોતા. આવી સ્થિતિમાં તેઓ શપથ લેતા પહેલા જ પાછા ફર્યા હતા. શપથ ગ્રહણમાં દિલ્હીના CM અરવિંદ કેજરીવાલ પણ હાજર રહ્યા હતા.

દિલ્હીના નવા લેફ્ટનન્ટ ગવર્નર વિનય કુમાર સક્સેનાના શપથ ગ્રહણ કાર્યક્રમમાં પૂર્વ કેન્દ્રીય મંત્રી અને BJP સાંસદ ડૉ. હર્ષવર્ધન નારાજ થઈને પરત ફર્યા હતા. શપથ ગ્રહણ સમારોહમાં પૂર્વ કેન્દ્રીય મંત્રીને જે જગ્યાએ બેસાડવામાં આવ્યા હતા તેનાથી તેઓ સંતુષ્ટ ન હોતા. દિલ્હીના નવનિયુક્ત લેફ્ટનન્ટ ગવર્નર વિનય કુમાર સક્સેનાએ ગુરુવારે દિલ્હીના 22માં લેફ્ટનન્ટ ગવર્નર તરીકે શપથ લીધા. રાષ્ટ્રપતિ રામનાથ કોવિંદે બે દિવસ પહેલા તેમની નિમણૂક માટે આદેશ જારી કર્યા હતા. LG જે સમયે સમારોહમાંથી પરત ફરી રહ્યા હતા ત્યારે તેમણે પત્રકારોને કહ્યું કે, તેમણે સંસદના સભ્યો માટે બેઠક પણ રાખી નથી. આટલું કહીને તે ગુસ્સામાં ત્યાથી નીકળી ગયા હતા. તેમણે દિલ્હીના મુખ્ય સચિવ નરેશ કુમારને કહ્યું કે, 'હું આ અંગે લેફ્ટનન્ટ ગવર્નર વિનય સક્સેનાને પત્ર લખીશ.' પૂર્વ કેન્દ્રીય મંત્રીને જે જગ્યાએ બેસાડવામાં આવી રહ્યા હતા તેનાથી તેઓ સંતુષ્ટ નહોતા. અહીં તેમના કાર્યક્રમથી એટલા નારાજ થઇને નીકળી જતા અધિકારીઓમાં ખળભળાટ મચી ગયો હતો. 

આ પણ વાંચો - દિલ્હીમાં IAS અધિકારી કૂતરાને ફેરવી શકે માટે ખેલાડીઓને સ્ટેડિયમમાંથી કાઢ્યા, વિવાદ બાદ જાગી સરકાર