સુરતમાં ધોળા દિવસે ફાયરિંગની ઘટના,દર્શ્યો CCTVમાં કેદ

સુરતના ચોક બજાર પોલીસ સ્ટેશન વિસ્તારમાં આજે ઘોળા દિવસે વેડરોડ વિસ્તારમાં સરદાર હોસ્પિટલની બાજુમાં ફાયરિંગની ઘટના બની હતી. જેમાં  કુખ્યાત સૂર્યા મરાઠી ગેંગના સભ્ય સફિ શેખ પર બે રાઉન્ડ ફાયરિંગને લઈને  સમગ્ર વિસ્તારમાં અફરાતફરી મચી ગઈ હતી. ઘોળા દિવસે ફાયરિંગની ઘટનાને પગલે  આસપાસના લોકોમાં ભયનો  માહોલ  ઉભો હતો. 

સુરતના ચોક બજાર વિસ્તારમાં આવેલા વેડ રોડ વિસ્તારમાં સરદાર હોસ્પિટલની બાજુમાં ફાયરિંગની ઘટના બની હતી. સફિ શેખ નામના ઇસમને ફાયરિંગ કરવામાં આવ્યો હતો. એક ગોળી તેના પેટના ભાગે વાગી હતી હતી. જેથી ઈજાગ્રસ્ત અને સારવાર માટે હોસ્પિટલમાં દાખલ કરવામાં આવ્યો છે. જો કે બાઇક પર આવેલા બે શખ્સો ફાયરિંગ કરીને  ભાગી છૂટ્યા હતા. આ ફાયરિંગની ઘટના જૂની અદાવતમાં થઈ હોવાનું જાણવા મળતા પોલીસે પ્રાથમિક તપાસ હાથ ધરી છે અને આરોપીઓને ઝડપી લેવા ચક્રો ગતિમાન કર્યા છે.

એસીપી એએ આહિરએ જણાવ્યું હતું કે સૂર્યા મરાઠીના જુના ઝઘડાની અદાવતમાં અગાઉ સાહિદ રહી ચૂકેલા સફિ શેખ પર ફાયરિંગ કરવામાં આવ્યું છે. બે શખ્સો ફાયરિંગ કરીને  ભાગવામાં સફળ રહ્યાં છે. છે. હાલ પોલીસે આરોપીને પકડવા વધુ તપાસ હાથ ધરી રહી છે.