બહુચરાજીના ફેંચડી ગામમાં આ કારણસર ખેડૂતોએ કર્યો હોબાળો

બહુચરાજીએ એક ગુજરાતનું એક ઓટોહબ બનવા જઈ રહ્યું છે. બહુચરાજી તાલુકામાં અનેક કંપનીઓ કાર્યરત પણ થઈ છે ત્યારે સ્થાનિકો આ કંપનીઓના કારણે પરેશાન પણ થઈ રહ્યા છે.

બહુચરાજી તાલુકાના ફિંચડી ગામ પાસે એક બેટરી બનાવવાનો પ્લાન મંજુર થયો છે. આ પ્લાન્ટ ફિંચડી ગ્રામ પંચાયતના ગૌચરમાં બનવા જઈ રહ્યો છે. મહેસાણા જિલ્લા કલેકટર દ્વારા આ ગૌચરની જગ્યા આજથી અંદાજે 2 વર્ષ પહેલાં કંપનીને આ ગૌચરની જગ્યા ફાળવી ફિંચડી ગામને અલગ ગૌચરની જમીન પણ આપી હતી ત્યારે ગ્રામજનોએ કંપની અને વહીવટી તંત્રને પોતાના ખેતરમાં તેમજ અહીં બાજુમાં આવેલ પ્રાચીન ભોળિયા મહાદેવ જવા માટે રસ્તાની માંગ પણ કરી હતી.

કંપની અને તંત્રએ જે-તે વખતે ખેડૂતોને દિલાસો આપી ખેતરમાં જરૂરી વાહન જઈ શકે એવા વાહનો માટે રસ્તાની ખાતરી પણ આપી હતી અને સ્થાનિક તંત્ર એ સ્થળ પર પહોંચી પંચનામું કરી ખેડૂતોને રસ્તો આપવા લેખિત પણ આપ્યું હતું.

પરંતુ હવે આ કંપની દ્વારા સેટેલાઇટ DLR નકશા પ્રમાણે ખેડૂતોને ખાંચાખૂંચી વાળો અને અલગ અલગ માપ વાળો રસ્તો આપી વરંડાનું કામ બેટરી બનાવતી કંપનીએ શરૂ કરતાં ફિંચડી ગામના ખેડૂતોએ આ એક સાઈઝનો રસ્તો ના દેખાતા ખેડૂતોએ ભારે હોબાળો મચાવ્યો હતો અને ચાલુ કમ્પાઉન્ડ વોલનું કામ અટકાવ્યું હતું અને જ્યાં સુધી યોગ્ય ન્યાય ના મળે ત્યાં સુધી કામ શરૂ નહીં કરવા દેવાની ચીમકી અને લડત આપવાના શૂર લાલકાર્યા છે. ત્યારે હાલમાં તો કામ બંધ કરી દેવાયું છે પરંતુ ખેડૂતો મક્કમ દેખાતા હવે આગળ શું નિર્ણય આવે છે તે જોવાનું રહ્યું.

આ પણ વાંચો - આણંદની ગણેશ ચોકડી નજીક ફાટક પર રૂપિયા 143 કરોડના ખર્ચે બનશે ઓવરબ્રિજ