વિદેશ મંત્રી એસ.જયશંકરે પાકિસ્તાન અને ચીનની કાઢી ઝાટકણી, કહ્યું આંતરરાષ્ટ્રીય મંચોનો થઇ રહ્યો છે દુરુપયોગ

પ્રિઝર્વિંગ ઇન્ટરનેશનલ પીસ એન્ડ સિક્યુરિટીઃ રિફોર્મ્ડ બહુપક્ષીયતા માટે નવી દિશાઓ' પર ખુલ્લી ચર્ચાની અધ્યક્ષતા કરતા જયશંકરે એમ પણ કહ્યું હતું કે, સંઘર્ષની પરિસ્થિતિઓની અસરથી એ સ્પષ્ટ થઈ ગયું છે કે બહુપક્ષીય મંચો હવે પહેલાની જેમ કામ થઇ રહ્યું નથી. જ્યારે આખું વિશ્વ આતંકવાદના પડકાર સામે મજબૂતીથી એકસાથે લડી રહ્યું છે, ત્યારે આતંકવાદી કૃત્યોના ગુનેગારો અને માસ્ટરમાઇન્ડ્સને બચાવવા અને ન્યાય આપવા માટે આંતરરાષ્ટ્રીય મંચોનો દુરુપયોગ કરવામાં આવી રહ્યો છે. તેમનો ઇશારો ચીન તરફ હતો, જેણે પાકિસ્તાન સ્થિત જૈશ-એ-મોહમ્મદના વડા મસૂદ અઝહરને સંયુક્ત રાષ્ટ્રમાં વૈશ્વિક આતંકવાદી તરીકે નિયુક્ત કરવાના ભારત અને અમેરિકાના પ્રસ્તાવોને વારંવાર અવરોધિત કર્યા છે.

જયશંકરે પાકિસ્તાનના વિદેશ મંત્રી બિલાવલ ભુટ્ટો દ્વારા સંયુક્ત રાષ્ટ્રમાં ફરીથી કાશ્મીરનો મુદ્દો ઉઠાવવા પર તીખી પ્રતિક્રિયા આપી હતી. તેમણે કહ્યું કે જે દેશે ઓસામા બિન લાદેનને હોસ્ટ કર્યો હતો અને પડોશી દેશની સંસદ પર આતંકવાદી હુમલો કર્યો હતો તેની વિશ્વસનીયતા એટલી નથી કે તે આ પરિષદમાં આવીને ઉપદેશ આપે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.