મુંબઇમાંથી અધધ..1400 કરોડની કિંમતનું ડ્રગ્સ પકડાયું

મુંબઈ પોલીસે ગુરુવારે 700 કિલો મેફેડ્રોન (પ્રતિબંધિત ડ્રગ)નો મોટો કન્સાઈનમેન્ટ જપ્ત કર્યો હતો. આ સાથે પોલીસે આ કેસમાં કેમેસ્ટ્રી ગ્રેજ્યુએટ સહિત પાંચ લોકોની પણ ધરપકડ કરી છે. 

મુંબઈ પોલીસ તરફથી મળતી માહિતી મુજબ આ સમગ્ર મામલો પાલઘર જિલ્લાના નાલાસોપારામાં દવા બનાવતી કંપનીનો છે. મુંબઈ પોલીસના એન્ટી નાર્કોટિક્સ સેલની ટીમે આ કંપની પર દરોડા પાડ્યા હતા. અહીંથી પોલીસને 1400 કરોડ રૂપિયાની દવાઓ મળી હતી.

એક અધિકારીએ જણાવ્યું કે આ દરોડા ચોક્કસ ઇનપુટના આધારે કરવામાં આવ્યા હતા. પોલીસને જાણવા મળ્યું હતું કે આ કંપનીએ પ્રતિબંધિત દવા મેફેડ્રોનનો મોટો જથ્થો પોતાની પાસે રાખ્યો છે. જેથી પોલીસની ટીમ સ્થળ પર પહોંચી હતી. આ દરોડા દરમિયાન પોલીસે મુંબઇથી ચાર લોકોની જ્યારે અન્ય એક વ્યક્તિની નાલાસોપારામાંથી ધરપકડ કરી છે. નાલાસોપારામાંથી પકડાયેલો યુવક કેમેસ્ટ્રીનો વિદ્યાર્થી છે અને ડ્રગ્સ કેવી રીતે બનાવવું તે જાણે છે.