WhatsApp યુઝર પર સાયબર એટેક, હેકરે વેચવા મુક્યો ડેટા

વોટ્સએપ (WhatsApp ) યુઝર પર સૌથી મોટો સાયબર એટેક થયો છે. એક સમાચાર મુજબ વિશ્વભના 500 મિલિયન WhatsApp વપરાશકર્તાના ડેટા હેક કરાયો છે અને તેમાં 61.62 લાખ ભારતીય વોટ્સએપ યુઝરના ડેટા હેક થયા હોવાનું જણાવાઇ રહ્યું છે.

પ્રાપ્ત માહિતી મુજબ વિશ્વમાં કુલ 500 મિલિયન વોટ્સએપ યુઝર શિકાર બન્યા છે. હેકર્સ આ ડેટા હેક કરીને વેચવા મૂકી રહ્યા છે. 16 નવેમ્બરના ડેટામાં 84 દેશના નાગરિકોની માહિતી હોવાનું જણાવાઇ રહ્યું છે.  હેકર્સ દેશ પ્રમાણે નંબરોની સિરીઝ બનાવી ડેટા વેચે છે. જે ડેટા હેક થયા છે તેમાં ઈજિપ્તના સૌથી વધારે છે અને ભારતનો ડેટા 25માં નંબરે છે. સ્ક્રેપિંગ ટેક્નિકથી ડેટા ચોર્યાનો નિષ્ણાંતોનું અનુમાન છે. 

વિશ્વભરના 500 મિલિયન WhatsApp વપરાશકર્તાઓના ફોન નંબર ડાર્ક વેબ પર વેચાણ માટે ઉપલબ્ધ છે.  હેકરે હેકિંગ કોમ્યુનિટી ફોરમ પર એક જાહેરાત પોસ્ટ કરી હતી જેમાં દાવો કરવામાં આવ્યો હતો કે તે 487 મિલિયન વોટ્સએપ યુઝર્સના મોબાઈલ નંબર વેચી રહ્યો છે. હેકરે કહ્યું કે આ ડેટાબેઝમાં 84 અલગ-અલગ દેશોના વોટ્સએપ યુઝર્સના ફોન નંબર મોજૂદ છે. જે દેશોના યુઝર્સના મોબાઈલ નંબર વેચાણ માટે ઉપલબ્ધ છે તેમાં યુએસ, યુકે, રશિયા, ઈજિપ્ત, ઈટાલી, સાઉદી અરેબિયા તેમજ ભારતનો સમાવેશ થાય છે.

જો તમને સર્ચ રિઝલ્ટમાં ઈમેલ આઈડી લીક થઈ રહ્યું હોવાનું જણાય તો સૌથી પહેલા તમારા ઈમેલ આઈડીનો પાસવર્ડ બદલો. તમે એક મજબૂત પાસવર્ડ પસંદ કરો જે હેક કરવો મુશ્કેલ છે. બીજી તરફ, જો તમારો મોબાઈલ નંબર હેક થઈ ગયો છે, તો અજાણ્યા નંબર પરથી આવતા કોલ રિસિવ ન કરવું સારું રહેશે. એસએમએસમાં મોકલવામાં આવેલી કોઈપણ લિંક પર ક્લિક કરવાનું ટાળો.

આ પણ વાંચો---શ્રદ્ધા હત્યા કાંડનો રેલો સુરત પહોંચ્યો, ડ્રગ પેડલરનું આફતાબ સાથે કનેક્શન