ભૂજના સ્મૃતિવન ખાતે ક્રિસમસની રજાને લઇને ઉમટી ભીડ, ન માસ્ક, ન સોશિયલ ડિસ્ટન્સનું પાલન

કોરોનાની મહામારી વચ્ચે કચ્છના મુખ્ય મથક ભુજના સ્મૃતિવન ખાતે આજે ક્રિસમસની રજાના સમયે લોકોની ભારે ભીડ ઉમટેલી જોવા મળી હતી. જોકે અહીં સોશિયલ ડિસ્ટન્સ ના ધજાગરા ઉડતા જોવા મળ્યા હતા લોકો માસ્ક વગર જોવા મળ્યા હતા એટલું જ નહીં જવાબદારો દ્વારા પણ નિયમોની અમલવારી કરાવવાના બદલે માત્ર ને માત્ર બેદરકારી દાખવતા હોય તેવો માહોલ ઊભો થવા પામ્યો હતો હાલમાં શિયાળાની શરૂઆત થઈ ચૂકી છે ત્યારે કચ્છ જિલ્લામાં મોટી સંખ્યામાં પ્રવાસીઓ હરવા ફરવા માટે આવતા હોય છે 

ગુજરાત ફર્સ્ટની ટીમે  ભુજના સ્મૃતિવનની આજે  મુલાકાત લીધી હતી જ્યાં નિયમોના ધજાગરા ઉડતા જોવા મળ્યા હતા. ખુદ કર્મચારીઓ માસ્ક વગર જોવા મળ્યા હતા,મુખ્ય ગેટ પર ટેમ્પરેચર મશીન,સેનેટાઇઝરની વ્યવસ્થા જોવા મળી ન હતી,ત્યારે આવનારા દિવસોમાં જો આવી બેદરકારી રહેશે તો કોરોનાનો પગ પેસારો થઈ શકે તેમ છે ત્યારે જે તે સ્થળના જવાબદારો એ જ જાગૃતિ રાખવી જરૂરી બની રહે છે તેમજ લોકોને સોશિયલ ડિસ્ટન્સનું પાલન કરાવવા તેમજ માસ્ક પહેરાવવા અને સેનેટાઈઝર નો ઉપયોગ કરવા માટે કામગીરી કરે તે જરૂરી છે.

આ પણ વાંચોઃ  નડિયાદના MLAની જીલ્લા વહીવટી તંત્રને ટકોર, જાણો શું થયું