પતિની ગેરહાજરીમાં સસરાએ પુત્રવધૂને બાથમાં ભીડી અને પછી.....

અમદાવાદનાં અમરાઈવાડી વિસ્તારમાં પુત્રવધૂએ સસરા સામે છેડતીની ફરિયાદ નોંધાવી છે. જેમાં લગ્નનાં થોડા સમય બાદથી સાસુ-સસરા દ્વારા દહેજની માગ કરી ત્રાસ આપવાનું શરૂ કરાયુ હતું. પતિની અને સાસુની ગેરહાજરીમાં સસરા દ્વારા યુવતીની આબરૂ લેવાનો પ્રયાસ કરાતો હતો જે અંગે યુવતીએ સાસુ અને પતિને જાણ કરતા ઉલ્ટાનું પતિ અને સાસુએ યુવતીને ઠપકો આપ્યો હતો.

અમદાવાદનાં અમરાઈવાડી વિસ્તારમાં રહેતી 22 વર્ષીય સંજના (નામ બદલેલ છે)નાં લગ્ન 2019માં વસ્ત્રાલમાં રહેતા યુવક સાથે સમાજની રીતિરિવાજ મુજબ થયા હતા. લગ્ન સમયે સંજનાના માતાપિતાએ દહેજમાં એક લાખ રોકડ તેમજ ઘરવખરીનો સામાન જેમાં ટીવી, ફ્રિજ, ફર્નિચર, ટુવ્હીલર, વોશીંગ મશીન, તીજોરી તેમજ ચારથી પાંચ લાખ રૂપિયાનાં દાગીનાં આપ્યા હતા. લગ્નનાં દોઢ મહિનાં બાદ સાસુ-સસરા દ્વારા દહેજમાં તારા પિતાએ કશુ આપેલુ નથી. અમારી હેસિયત મુજબ સમાજમાં 10 લાખનું દહેજ આપી શકે તેવી છોકરીઓ મળતી હતી તેવુ કહીને ત્રાસ આપવાનું શરૂ કર્યું હતું.

લગ્નનાં દોઢ વર્ષ પછી યુવતીનાં સાસુની તબીયત ખરાબ થતા તેઓને ખોખરાની હોસ્પિટલમાં દાખલ કરવામાં આવ્યા હતા, તે સમયે સંજનાનો પતિ નોકરી પર ગયો હતો અને સંજનાં ઘરમાં એકલી હતી ત્યારે સસરાએ ઘરે આવીને બળજબરીથી સંજનાને બાથમાં પકડી અને સંજનાને કહ્યું હતું કે, 'જો તું મારા કહેવા પ્રમાણે રહીશ તો આ ઘરમાં રાણી બનીને રહીશ અને જો તું મારા કહેવા પ્રમાણે નહી કરે તો આ ઘરમાં રહી શકીશ નહી'. સંજનાએ સસરાને જોરીથી ધક્કો મારીને બુમાબુમ કરતા સસરા ભાગી ગયા હતા. સંજનાના સાસુ દવાખાનેથી ઘરે પરત ફરતા સંજનાએ તેમને જાણ કરતા સાસુએ તેનાં પર જ ખોટા આક્ષેપ કરીને પતિને સંજનાં વિરુધ્ધ ચઢામણી કરતા પતિએ મારઝૂડ કરી હતી.