વારંવાર રંગ બદલતા ઈટાલિયા, ધર્મ વિરુદ્ધ ટિપ્પણી કર્યા બાદ હવે મંદિરોના લગાવી રહ્યા છે ચક્કર

આ વર્ષના અંત સુધીમાં ગુજરાત વિધાનસભાની ચૂંટણી (Assembly Election) યોજાવાની છે. જેને લઇને ભારતીય જનતા પાર્ટી (BJP) અને આમ આદમી (AAP) પાર્ટી જનતાને પોતાની તરફ ખેંચવાનો પૂરજોર પ્રયત્ન કરી રહી છે. જ્યારે આમ આદમી પાર્ટીની વાત કરવામાં આવે તો તેના ગુજરાત પ્રદેશ પ્રમુખ ગોપાલ ઈટાલિયા સતત વિવાદોમાં ફસાતા જોવા મળી રહ્યા છે. તેમના બેક ટૂ બેક વિડીયો સામે આવી રહ્યા છે, જેમા તે ક્યારેક વડાપ્રધાનશ્રી મોદીના માતાશ્રી હીરાબા વિશે અપશબ્દો બોલતા તો ક્યારેક ધર્મને લઇને ખરાબ બોલતા જોવા મળે છે.

ગોપાલ ઈટાલિયા અને વિવાદ એકબીજાન પ્રયાય હોય તેવું હાલમાં જોવા મળી રહ્યું છે. રાજ્યમાં વિધાનસભાની ચૂંટણી આ વર્ષના અંતમાં યોજાવાની છે તે પહેલા આમ આદમી પાર્ટીના પ્રદેશ પ્રમુખ ગોપાલ ઈટાલિયા સતત વિવાદોમાં ઘેરાઈ રહ્યા છે. તાજેતરમાં તેમનો એક વિડીયો સામે આવ્યો છે જેમા તેઓ કહે છે કે, ધર્મ કે જેમા કોઇ હિન્દુ હોય કે મુસ્લિમ હોય, તેનાથી માનવનું કલ્યાણ થવાની સંભાવનાઓ હવે ખતમ થઇ ગઇ છે. 2018 ના સંદર્ભમાં વાત કરતા તેમણે કહ્યું કે, ધર્મ એટલે વેપાર, ધર્મ એટલે સત્તા, ધર્મ એટલે વૈભવ, ધર્મ એટલે ભોગ-વિલાસ અને ધર્મ એટલે માણસને પછાત બનાવી રાખવાની ઋઢિચુસ્ત પ્રવૃત્તિથી વિશેષ હવે કઇ વધ્યું હોય તેવું લાગતું નથી. ધર્મ માણસના કલ્યાણ માટે નથી. ધર્મ જે છે તે ભોગ-વિલાસ માટે છે. ધર્મ સત્તા માટે છે. ધર્મ વૈભવ માટે છે. મારા કે તમારા માટે નથી. 

આ પણ વાંચો - ગોપાલ ઈટાલિયાનો વધુ એક વીડિયો આવ્યો સામે, હિન્દુ સંસ્કૃતિ અને ધર્મગુરૂઓ માટે કહ્યા અપશબ્દો