સિક્કિમમાં મોટો માર્ગ અકસ્માત, સેનાના 16 જવાન શહીદ, ઈજાગ્રસ્તોનો કરાયા એરલિફ્ટ

સિક્કિમાં સેનાનું વાહન ખીણમાં પડી જવાથી 16 જવાનો શહીદ થયા છે. આ ઘટના બાદ તુરંત જ સેના અને સ્થાનિક પ્રશાસને મળીને બચાવ કાર્ય શરૂ કર્યું હતું. આ ઘટનામાં અત્યાર સુધીમાં 16 જવાનો શહીદ અને ઘણા સૈનિકો ગંભીર રીતે ઈજાગ્રસ્ત થયા છે. જેમને તાત્કાલિક એરલિફ્ટ કરાયા છે અને હોસ્પ્ટિલમાં ખસેડવામાં આવ્યા છે. આ સાથે જ સૈનિકોને જલ્દી હોસ્પિટસમાં ખસેડવા માટે એરફોર્સની મદદ પણ લેવામાં આવી રહી છે. સેના દ્વારા જારી કરાયેલા સત્તાવાર નિવેદન અનુસાર, શુક્રવારે સવારે ત્રણ વાહનોનો કાફલો થંગુ માટે રવાના થયો હશે. 

ઝેમાના માર્ગમાં એક ઊંડો ઢાળ આવ્યો અને તેના કારણે એક વાહને તેનું સંતુલન ગુમાવ્યું. જેના કારણે વાહન નીચે ખીણમાં પડી ગયું હતું. ઘટનાની માહિતી મળતા જ મોટાપાયે બચાવ કાર્ય શરૂ કરવામાં આવ્યું હતું. આ ઘટનામાં અત્યાર સુધીમાં ત્રણ જુનિયર કમિશંડ ઓફિસર અને 13 સૈનિકોના મોત થયા છે. વળી, ચાર સૈનિકો ગંભીર રીતે ઈજાગ્રસ્ત થયા હતા, જેમને હેલિકોપ્ટર દ્વારા બચાવીને હોસ્પિટલમાં ખસેડવામાં આવ્યા હતા.

સિક્કિમ દુર્ઘટના અંગે રાષ્ટ્રપતિએ દુ:ખ વ્યક્ત કર્યું છે. તેમણે ટ્વીટ કર્યું કે, સિક્કિમમાં એક માર્ગ અકસ્માતમાં ભારતીય સેનાના બહાદુર સૈનિકોના જીવ ગુમાવ્યા વિશે જાણીને દુઃખ થયું. મૃતકોના પરિવારજનો પ્રત્યે મારી દિલથી સંવેદના. હું ઘાયલોના ઝડપથી સાજા થવાની પ્રાર્થના કરું છું.

બીજી તરફ રક્ષા મંત્રી રાજનાથ સિંહે આ ઘટના પર દુખ વ્યક્ત કર્યું છે. તેમણે ટ્વીટ કર્યું કે, ઉત્તર સિક્કિમમાં એક માર્ગ અકસ્માતમાં ભારતીય સેનાના જવાનોના મૃત્યુથી તેઓ ખૂબ જ દુઃખી છે. રાષ્ટ્ર તેમની સેવા અને પ્રતિબદ્ધતા માટે ખૂબ જ આભારી છે. શોકગ્રસ્ત પરિવારો પ્રત્યે મારી સંવેદના. જે લોકો ઘાયલ થયા છે તેઓ ઝડપથી સાજા થાય તેવી મારી ઈચ્છા છે.