T20 વર્લ્ડ કપ પહેલા ICC એ નિયમોમાં કર્યા કેટલાક ફેેરફાર, આ નિયમો થશે લાગુ

T20 વર્લ્ડ કપ 2022 ને હવે ગણતરીના દિવસો બાકી છે ત્યારે ક્રિકેટ પ્રેમીઓ માટે એક મોટું અપડેટ સામે આવ્યું છે. ઇન્ટરનેશનલ ક્રિકેટ કાઉન્સિલ (ICC) દ્વારા ક્રિકેટમાં ઘણા મોટા ફેરફારો કરવામાં આવ્યા છે. આ પહેલા પણ કેટલાક નિયમો બદલવામાં આવ્યા હતા, હવે ફરી એકવાર આ નિયમોમાં ફેરફાર કરવામાં આવી રહ્યા છે. મહત્વનું છે કે, જ્યારે કોરોનાકાળ ચાલી રહ્યો હતો અથવા તો કોરોના ચરમસીમા પર હતો, ત્યારે તે 2 વર્ષ માટે બોલ પર લાળ (saliva) લગાવવાનો નિયમ અસ્થાયી રૂપે બંધ થઈ ગયો હતો. પરંતુ હવે આ નિયમ કાયમી કરી દેવામાં આવ્યા છે.

ઇન્ટરનેશનલ ક્રિકેટ કાઉન્સિલ (ICC) એ ક્રિકેટ નિયમોમાં ફેરફાર કર્યા છે. બે વર્ષ પહેલા કોરોનાના કારણે ક્રિકેટમાં બોલને ચમકાવવા માટે લાળના ઉપયોગ પર અસ્થાયી રૂપે પ્રતિબંધ મૂકવામાં આવ્યો હતો. હવે આ પ્રતિબંધ કાયમી કરવામાં આવ્યો છે. આ સિવાય ઘણા ફેરફારો કરવામાં આવ્યા છે, જે 1 ઓક્ટોબરથી અમલમાં આવશે અને ઓસ્ટ્રેલિયામાં 16 ઓક્ટોબરથી શરૂ થઈ રહેલા વર્લ્ડ કપમાં પણ તેનો ઉપયોગ કરવામાં આવશે. T20 વર્લ્ડ કપ 2022 16 ઓક્ટોબરથી શરૂ થવા જઈ રહ્યો છે અને તે પહેલા ICCએ વર્લ્ડ ક્રિકેટ માટે કેટલાક નવા નિયમો બનાવ્યા છે જે ઓક્ટોબરની પહેલી તારીખથી લાગુ થશે.