ડિસેમ્બરના અંતમાં વધશે ઠંડીનું જોર, માવઠાની શક્યતાથી ખેડૂતોની ચિંતા વધી

રાજ્યમાં આગામી અઠવાડિયામાં 25 તારીખ બાદ હાડ થીજાવતી ઠંડી પડી શકે છે. રાજ્યમાં ફરી એકવાર તાપમાનનો પારો એક થી બે ડિગ્રી જેટલો ગગડ્યો છે. સવારે  અને રાત્રે  ઠંડી અને બપોરે ગરમીને કારણે લોકોને બેવડી ઋતુનો અહેસાસ થઇ રહ્યો છે.22 તારીખ બાદ ઠંડીમાં ફરી વધારો નોંધાઈ શકે છે.આ બધા વચ્ચે માવઠાની પણ શક્યતા સેવાઈ રહી છે.જેને લઇને ખેડૂતોમાં ચિંતાની સ્થિતિ છે.જો કે ડિસેમ્બર મહિનાના 20 દિવસ વીતી જવા છતા હજુ જોઇએ તેવી ઠંડી અનુભવાઇ નથી.

નલિયા        13.8  ડિગ્રી 

અમદાવાદ   16.5  ડિગ્રી 

વડોદરા       17      ડિગ્રી 

ગાંધીનગર   14.9  ડિગ્રી 

ડીસા          14.6  ડિગ્રી 

રાજ્યમાં ઉત્તર અને મધ્ય ગુજરાતમાં આગામી દિવસોમાં તાપમાન 6 થી 7 ડિગ્રી નીચે નોંધવાની શક્યતા છે.આગામી દિવસોમાં કચ્છના નલિયામાં 5 ડિગ્રી આસપાસ તાપમાન નોંધવાની શક્યતા સેવાઈ રહી છે.અમદાવાદમાં પણ ડિસેમ્બર મહિનાના અંત સુધીમાં હાડ થીજાવતી ઠંડી પડી શકે છે. 

આ પણ વાંચોઃ  પાવાગઢ પર્વતની કોતરોમાં 10 રામસેવક “જટાયું” જેવા ગીધોનો થયો વસવાટ