ગોંડલના યુવાનને કાગવડ પાસે રેલવે વીજ લાઈનનો કરંટ લાગતા મોત

ગોંડલ સૈનિક સોસાયટીમાં રહેતા કેટલાક યુવાનો રાત્રિના કાગવડ ખાતે રેલવે ટ્રેક પાસે હોય દરમિયાન પોલ ઉપર ચડતી વખતે એક યુવાનને રેલવે વીજલાઈનનો કરંટ લાગતા તેનું મોત નીપજ્યું હતું તેના મૃતદેહને ફોરેન્સિક પીએમ માટે રાજકોટ ખસેડવામાં આવ્યો હતો

પ્રાપ્ત વિગતો મુજબ શહેરની સૈનિક સોસાયટીમાં રહેતા દિનેશ ધીરુભાઈ રાઠોડ (ઉ.વ. 31) સહિતના કેટલાક યુવાનો ગતરાત્રિના કાગવડ ખાતે રેલવે ટ્રેક પાસે હતા તે દરમિયાન દિનેશ વીજપોલ પર ચડવા જતા તેને કરંટ લાગતા તેનું મોત નીપજ્યું હતું બનાવ અંગે વીરપુર પોલીસે તપાસ હાથ ધરી હતી અને પ્રાથમિક તપાસમાં તપાસનીશ જમાદાર જેન્તીભાઇ મજેઠિયા એ શંકા કરી જણાવ્યું હતું કે ઉપરોક્ત યુવાન સહિતના તેના સાથીદારો કોપરનો વાયર ચોરી કરવાના પ્લાનથી આવ્યા હોવા જોઈએ અને કરંટ લાગવાથી મોત નિપજ્યું હશે. સત્ય હકિકત ફોરેન્સિક રિપોર્ટ બાદ જાણવા મળશે.

ગોંડલ સરકારી હોસ્પિટલ ખાતે ઘસી આવેલ યુવાનના પરિવારજનોએ શંકા વ્યક્તિ કરતાં જણાવ્યું હતું કે બે દિવસ પહેલા અજાણ્યા પાંચ થી છ શખ્સો દિનેશને મારવા માટે આવ્યા હતા અને  તેઓએ હત્યાની શંકા દાખવતા દિનેશના મૃતદેહને ફોરેન્સિક પીએમ માટે રાજકોટ ખસેડવામાં આવ્યો હતો.

આપણ  વાંચો-ઈલેક્ટ્રીક વાહન લઇને MLA પહોંચ્યા વિધાનસભા, સામાન્ય જનતાને ઉપયોગ કરવા કર્યો અનુરોધ