વેટલેન્ડમાં પક્ષી ગણતરી દરમિયાન સેટેલાઇટ ટેગવાળી કુંજ મળી

પોરબંદરના વેટલેન્ડ વિસ્તારમાં બે દિવસીય પક્ષી ગણતરીનું આયોજન કરવામાં આવ્યું હતું. આ પક્ષી ગણતરી દરમિયાન મેઢાક્રીકથી પરત ફરતી વખતે પુલ નીચે જામનગરનાં પક્ષીવિદ્દનાં કેમેરામાં સેટેલાઇટ ટેગવાળી કુંજ જોવા મળી હતી. મોંગોલીયાથી પોરબંદર આવેલ કુંજ પક્ષીએ 4200  કિમીની સફર કરી.

 

ગુજરાતના જળપલાવીત વિસ્તારમાં દર વર્ષે પક્ષી ગણતરીનું આયોજન કરવામાં આવે છે. જેમાં પોરબંદરમાં જળપલાવીત વિસ્તારમાં સમૃદ્ધ જિલ્લો ગણાય છે. ચાલુ વર્ષે તા.28  અને 29  એમ બે દિવસ પક્ષી ગણતરી યોજાઇ હતી. પોરબંદરમાં ગુજરાત રાજય ઉપરાંત બેંગ્લોર, રાજસ્થાન, મુંબઇથી પક્ષીવિદ્દોએ પોરબંદરનાં આઠ વેટલેન્ડ વિસ્તારમાં પક્ષીગણતરી કરી છે. જેમાંની એક ટીમ મેઢાક્રિક વિસ્તારમાં પક્ષીગણતરી કરી રહી હતી. ત્યાંથી પરત ફરતી વખતે પુલ નીચે કરકરો (કુંજ) પક્ષીઓનું ઝુંડ જોવા મળ્યું હતું. જેમાંના બે પક્ષી ગ્રીન ટેગવાળા જોવા મળ્યાં હતાં. જેમાંનો એક કુંજમાં સેટેલાઇટ ટેગ જોવા મળી હતી. જામનગરનાં યશોધન ભાટીયા, આશિષ પાણખાણીયા, સુમીત, હેંમત એમ આ ચાર પક્ષીવિદ્ મેઢાક્રિકથી પરત ફરતા હતાં. ત્યારે યશોધનભાઇ ભાટીયાનાં કેમેરામાં સેટેલાઇટ ટેગવાળી કુંજ જોવા મળી હતી. અનુમાન મુજબ આ કુંજ મંગોલીયાથી પોરબંદર 4200  કિમી સફર કરી આવી છે. અનુમાન મુજબ વૈજ્ઞાનિકો પક્ષીઓની સ્થળાંતરી રીત, વસવાટ, સ્થાનની પસંદગી, વ્યાપ વિસ્તાર, દરરોજની ગતિવિધીઓનાં અભ્યાસ સાથે અને તેના આધારે ભવિષ્યમાં તેના સંરક્ષણ સહિતની બાબતોને લઇને વૈજ્ઞાનિકો સોલાર, ટેગ, લગાડવામાં આવ્યું હશે.  

ગુજરાતમાં જોવા મળતી પક્ષીની 609  પ્રજાતી જે જળપલાવીત વિસ્તારોમાં જોવા મળે છે તે પૈકી 117 પક્ષીઓની જાત પોરબંદરનાં વેટલેન્ડ વિસ્તારોમાં નોંધાયેલી છે. આ પક્ષીઓની જાત પૈકી કુંજ પક્ષીઓ મોટા પ્રમાણમાં રાજ્યમાં વસવાટ કરે છે. વિશ્વમાં કરકરો (કુંજ) મોંગોલીયા અને ઉત્તર -પૂર્વ સુધી તેનો વિસ્તાર છે. કુંજને એક ઋતુ પ્રવાસી પક્ષી રીતે પણ જાણવામાં આવે છે. પશ્ચિમ યુરોશિયાના પક્ષીઓ શિયાળો આફ્રિકામાં ગાળે છે. જયારે એશિયા મોંગોલીયા અને ચીનના પક્ષીઓ શિયાળો ભારતીય ઉપખંડમાં ગાળે છે. પોરબંદરમાં પણ હાલ શિયાળાની ઋતુમાં લાખોની સંખ્યામાં વિદેશી પક્ષીઓ પોરબંદરનાં મહેમાન બન્યાં છે. ૨૧ જળપલાવીત વિસ્તારમાં વસવાટ કરી ખોરાક આરોગી રહ્યાં છે. 

આપણ  વાંચો- અંધારપટના પગલે વિપક્ષીઓ મેદાનમાં, પાલિકાનાને ગુલાબ આપી વિરોધ નોંધાવ્યો