કડીના ધરમપુરમાં પેરાસુટ નીચે પટકાતાં પાયલટ કોરિયન નાગરિકનું મોત

મહેસાણા (Mehsana) જીલ્લાના કડી (Kadi)ના ધરમપુર ગામમાં ચોંકાવનારી ઘટના બની છે જ્યાં પી.જે.પટેલ સર્વ વિદ્યાલયના કાર્યક્રમ દરમ્યાન પેરાસુટ ઉડાવતા પેરાસુટ પાયલટ કોરિયન (Korean Pilot) નાગરિક નીચે પટકાતા ઘટના સ્થળે જ મોત નિપજ્યું હતું. ચાઇનીઝ દોરીનો પેરાસુટને ઘસરકો વાગતા પેરાસુટ ડેમેજ થતા આ  ઘટના બની હોવાનું બહાર આવ્યું છે. 

મહેસાણાના કડી તાલુકાના ધરમપુર ગામમાં પી.જે.પટેલ સ્કૂલમાં એક શાળાકીય પ્રોગ્રામનું આયોજન કરવામાં આવ્યું હતું. આ કાર્યક્રમમાં કડી તાલુકાના વિસતપર ગામના અને વડોદરા બિઝનેસ કરતા સ્થાનિક વ્યક્તિના ગેસ્ટ તરીકે કોરિયન નાગરિક મિત્ર વિસતપુર આવ્યા હતા અને બંને મિત્રો ધરમપુર શાળાના પ્રોગ્રામમાં હાજરી આપી હતી.

શાળાના પ્રોગ્રામમાં પેરાસુટના માધ્યમથી પુષ્પવૃષ્ટિ કરવાની હતી. આ દરમિયાન કોરિયન નાગરિકે  પોતે પેરાસુટમાં સવાર થઈ ઉડાડ્યું હતું.આ દરમિયાન ઉત્તરાયણ નજીક હોઈ ચાઈનીઝ દોરી પર સરકાર દ્વારા પ્રતિબંધ લાદયો હોવા છતાં કેટલાક પતંગ રસિયાઓ ભાન ભૂલી આ દરમિયાન ચાઈનીઝ દોરીથી પતંગ ચગાવતા આ પેરાશૂટની સ્પોર્ટડ દોરીઓ ને સ્પર્શી જતા પેરાશૂટ ડેમેજ થયું હતું અને પેરાશૂટ હવામાંથી જમીન તરફ તેના ચાલક સાથે ફેંકાયું હતું. આ પહેલા હાર્ટએટેક આવતા અને નીચે પટકાતા પેરાશૂટ સવારનું મોત નીપજ્યું હતું. મૃતક ન કડી હોસ્પિટલ ખાતે પીએમ કરવાની કામગીરી હાથ ધરાઈ હતી. આ સમગ્ર મામલે તંત્ર હરકતમાં આવી ઘટનાની તપાસ હાથ ધરી છે.

આ પણ વાંચો--ઇડરના કાનપુરમાં આવેલા આ સ્મશાનગૃહને જોવા માટે લોકો દુર-દુરથી અહીં આવી રહ્યા છે..જાણો શું છે આ સ્મશાનની ખાસિયત