ફિર હેરાફેરી ફીલ્મમાં અસલી માલ લે નકલી માલ દે જેવો ખેલ કરતી ગેંગ ભરૂચ ક્રાઈમ બ્રાન્ચના સંકજામાં

બોલીવુડની ફિલ્મ ફીર હેરાફેરીમાં જેમ અભિનેતાઓ કરોડપતિ બનવા માટે હેરાફેરીમાં નકલી માલ પધરાવી અસલી માલ મેળવતા હોય તેમ હેરાફેરી કરતા તેવું જ કૌભાંડનું કારસ્તાન રચનાર ભરૂચ જિલ્લાની એક ગેંગને ભરૂચ એલસીબી પોલીસે રોકડ રૂપિયા ૩૫ લાખ અને ચિલ્ડ્રન નોટ 1  કરોડ અને 80  લાખની સાથે ઝડપી લઇ કેટલા વેપારીઓ સાથે ઠગાઈ કરી છે તેની માહિતી મેળવવા પાંચ દિવસના રિમાન્ડ મેળવ્યા છે

ભરૂચ જિલ્લાના આમોદ તાલુકાના આછોદ ગામે એક્કા ડબલ અને એકકા તીન કરી આપતી ગેંગ સક્રિય બની હોય તેવી માહિતી ભરૂચ એલસીબી પોલીસને મળી હતી પ્લાસ્ટિકના દાણા બનાવતી કંપની આમોદ તાલુકાના આછોદ ગામ પાસે આવેલી છે અને માલિક ઓળખીતો હોય સસ્તા ભાવે માલ મળશે એમ બહાનું બતાવી ફરિયાદીને વિશ્વાસમાં લઈ આછોદ ખાતે લઈ આવેલ અને ગેંગના ઘરે જઈ બેઠક કરી દાણા લેવા અંગે સોદો નક્કી કરી નાણાંની વ્યવસ્થા કરી ફરીયાદીને બોલાવવામાં આવેલ બાદમાં ફરિયાદી પ્લાસ્ટિકના દાણા લેવા માટે ગેંગ પાસે ગઈ હતી અને ગેંગના જ કેટલાક મિત્રોએ 15 લાખ રૂપિયા તથા માલ ભરવા માટે ટેમ્પો લઈ કોઈ ગોડાઉન પાસે ઊભા રખાવી નાણાકીય વ્યવહાર અર્થે ફરિયાદીને આછોદ ગામે આરોપીઓએ બોલાવેલા હતા અને તે દરમિયાન નકલી પોલીસની ગેંગે દરોડા પાડ્યા હતા.  

જેમાં ભાગમ ભાગ થતા એકા ડબલ કરતી ગેંગને ફરિયાદીને છેતરવામાં સફળતા મળી ગઈ હતી કહેવાય છે ને કે લોભીયા હોય ત્યાં ધુતાળા ભૂખે ન મળે.. આ ગેંગે વધુ કરોડપતિ બનવાનું સપનું જોઈ વધુ એક વેપારીને ટાર્ગેટ બનાવ્યો અને તે પણ સોનાના વેપારીને ટાર્ગેટ બનાવ્યો. જેમાં વ્યારાના વેપારીને સસ્તા ભાવે સોનુ આપવાના બહાને આછોદ બોલાવી એક બે વખત અસલી સોનું આપી વિશ્વાસમાં લઈ વધુ સસ્તુ સોનુ આપવાના બહાને ઝરીના વેપારીને આછોદ ગામે બોલાવી વેપારીને 50 લાખ રૂપિયાનો સોદા અંગે ગેંગના વેપારીઓ સાથે વાતચીત ચાલુ હતી દરમિયાન ગેંગમાં સામેલ બીજા અજાણ્યા આરોપીઓ ઘરમાં આવી પોલીસની ખોટી ઓળખ આપી વેપારીને ધાક ધમકી આપી બળજબરીપૂર્વક કુલ રૂપિયા 50  લાખ ખંખેરી ભગાવી દીધેલ અને ફરિયાદી પણ ખૂબ જ ગભરાઈ જતા પોતાના ઘરે જતા રહ્યા હતા અને તાજેતરમાં જ આ ગેંગ ઝડપાઈ ગઈ હોવાની માહિતી સામે આવતા 50  લાખમાં છેતરાયેલા સોનાના વેપારીએ ભરૂચ પહોંચી પોતાની ફરિયાદ નોંધાવી હતી

ભરૂચ એલસીબી પોલીસે ફિર હેરાફેરી જેવી ફિલ્મમાં કરોડપતિ બનવાનું સપનું જોતા અભિનેતાઓએ કરેલા અભિનય જેવો ખેલ પાડવા ભરૂચ જિલ્લાના આમોદ તાલુકાના આછોદ ગામે એક ગેંગે અનેક વેપારીઓને ટાર્ગેટ કરવાનું શરૂ કર્યું હતું અને ઝડપાઈ જતા એક વેપારી પાસેથી ૧૫ લાખની છેતરપિંડી જ્યારે બીજા વેપારી પાસે ૫૦ લાખની છેતરપિંડીનો ખેલ સામે આવી જતા ઝડપાયેલી ગેંગ પાસેથી અસલી ચલણી નોટ અંદાજે ૩૫ લાખ મળી આવ્યા હતા જ્યારે વેપારીઓ પાસે છેતરપિંડી કરતા અને તેમાં ઉપયોગમાં લેવાતી બાળકોના રમત રમવાની ચિલ્ડ્રન નોટ ૧ કરોડ અને ૮૦ લાખની મળી આવી હતી. નકલી નોટ છપાવી છે કે કોઈ જગ્યાએથી લાવ્યા છે તે દિશામાં તપાસ માટે ભરૂચ એલસીબી પોલીસે પણ તપાસ શરૂ કરી છેભરૂચ એલસીબી પોલીસે ઝડપી પાડેલી ગેંગના આંતરરાષ્ટ્રીય કૌભાંડ હોવાના કારણે તથા અનેક વેપારીઓ છેતરાયા હોવાની શંકાના આધારે ઝડપાયેલા પાંચે આરોપીઓને કોર્ટમાં રજૂ કરવામાં આવતા વધુ ભેદ ઉકેલવા માટે પાંચ દિવસના રિમાન્ડ મંજૂર કરવામાં આવ્યા છે

આપણ  વાંચો- IMA દ્વારા ઠંડીના કહેરને લઈને અપાઈ વોર્નિંગ, જાહેર કરાઈ ગાઇડલાઇન્સ