મહેસાણાના વિજાપુરના ખેડુતે કરી સ્ટોબેરીની ખેતી

મહેસાણા (Mehsana) જીલાના યુવાન ખેડૂતે 3 એકર જમીનમાં સ્ટોબેરી (Strawberries)ની ખેતી કરી ડાયરેકટ માર્કેટિંગ કરી અઢળક આવક  મેળવી રહ્યા છે.  મહેસાણા જિલ્લાના યુવાન ખેડૂતો અવનવી ખેતી કરી સિદ્ધી પ્રાપ્ત કરી રહ્યા છે. ચીલાચાલુ અને પરંપરાગત ખેતી છોડીને હવે ખેડુતો ટેકનોલોજી વિજ્ઞાન  ઈન્ટરનેટના પ્રયત્નોને કારણે હવે નવીન પ્રકારની ખેતી તરફ વળી રહ્યા છે અને ફળાઉ બાગાયતી ખેતી તરફ વળી રહ્યા છે.

સ્ટ્રોબેરીનું નામ પડે એટલે મોં માં પાણી આવે અને મહાબળેશ્વર ચોક્કસ યાદ આવી જાય. ત્યારે તમને જાણીને નવાઈ ચોક્કસ લાગશે કે હવે સ્ટ્રોબેરી માટે હવે મહાબળેશ્વર જવાની જરૂર નથી. કેમકે મહેસાણા જિલ્લાના વિજાપુર તાલુકાના કોટ ગામના વતની હરેશ પટેલે  પોતાના ખેતરમાં 3 એકરમાં સ્ટ્રોબેરીની ખેતીની શરૂઆત કરી છે.આ ખેતી સાથે સીધા સંકળાયેલા હરેશભાઈએ આ ખેતીનું બીડું ઝડપ્યું અને આ માટે હિમાચલથી બાય પ્લેન સ્ટોબેરીના 30,000 ધરું પ્લાન્ટ મંગાવ્યા અને આ ખેતીની શરૂઆત કરી. 

વિજાપુરના આ ખેડૂતના ભાઈ ઓસ્ટ્રેલિયામાં સ્ટ્રોબેરીની સફળ ખેતી કરે છે. તેમના માર્ગદર્શનથી અને નેટ પર સર્ચ કરી માહિતી એકત્ર કરી ખેતી આરંભી. સ્ટોબેરીની ખેતી કરનાર હરેશ પટેલ જણાવ્યું હતું કે આ માટે જમીનમાં જરૂરી મલચિંગ તથા ડ્રીપ ઇરીગેશન સિસ્ટમ વિકસાવી. આ માટે તેમને સરકારના કૃષિ અને બાગાયત વિભાગના અધિકારીઓનું માર્ગદર્શન મળ્યું અને કામ સરળ બન્યું. 

સરકાર તરફથી અવાર નવાર સહકાર મલ્યો જેને કારણે આ ખેતી શક્ય બની. હરેશભાઈના જણાવ્યા મુજબ સ્ટોબેરીની ખેતી માં ધરું(પલાન્ટ) ની રોપણી કર્યા પછી 45 દિવસ માં ફૂલ આવવાનું અને 60 દિવસમાં ફળ આવવાનું શરૂ થાય છે. અને એક છોડ પર 500 ગ્રામ થી 2.50 અઢી કિલોગ્રામ સુધીના ફળ મળે છે.એક વિઘા માં અંદાજે 10,000 છોડ લાગે છે એવા અમે 3 વિઘા માં વાવણી કરી છે. અત્યારે દરરોજ 250 ગ્રામ નું એક એવા  500 બોક્સ માં પેક કરી ને અમારા બ્રાન્ડથી ડાયરેકટ માર્કેટિંગ કરીએ છીએ. જેને કારણે અમને અત્યારે દરરોજ 25000 પચ્ચીસ હજાર રૂપિયાની આવક થાય છે. છ માસની આ ખેતી માં 15 લાખ જેટલી આવક મળવાની શરૂઆત પણ થઈ ગઈ છે.

મહેસાણા જિલ્લા માં ખેડૂતોના ભાગે હવે ટૂંકી જમીન બચી છે અને એમાં પણ રૂટિન ખેતી જેવી કે કપાસ, દિવેલા કે અન્ય પાક માં સતત પૂરતું ઉત્પાદન અને પૂરતો ભાવ નહિ મળતા ખેડૂતો ને મજૂરી નો ખર્ચ પણ નીકળતો નથી. ત્યારે વિજાપુર ના આ ખેડૂતે શરૂ કરેલ ઓર્ડિનરી ખેતીથી અન્ય ખેડૂતો પણ આકર્ષાયા છે અને સ્ટ્રોબેરી ફાર્મની વિઝીટ લઈ રહ્યા છે અને પ્રભાવિત પણ થઈ રહ્યા છે.

મહેસાણામાં કેટલાક યુવાનો ચેલેન્જ રૂપ ખેતી તરફ વળી રહ્યા છે અને ટૂંકી સમય મર્યાદામાં તગડો નફો મેળવી અન્ય નાના ખેડૂતોને પ્રેરણા પુરી પાડી રહ્યા છે. સ્ટ્રોબેરીની ખેતી માટે અથાગ મહેનત અને કોઠા સૂઝથી શક્ય બની છે.

આ પણ વાંચો--પોરબંદરમાં ચોપાટી દરિયા કિનારે ફાયર બ્રિગેડની સરપ્રાઇઝ મોકડ્રીલ