અંતરિક્ષમાં ISROને મોટી સફળતા, SSLV-D2 ઉપગ્રહ લોન્ચ કરાયો
અવકાશ (Space)ના ક્ષેત્રમાં એક નવું પગલું ભરતા, ISRO એ તેનો સૌથી નાનો ઉપગ્રહ (Satellite) SSLV-D2 લોન્ચ કર્યો છે. આ રોકેટને શ્રીહરિકોટાના સતીશ ધવન સ્પેસ સેન્ટરથી લોન્ચ કરવામાં આવ્યું હતું. આ પ્રક્ષેપણ સફળ રહ્યું છે. ગત વર્ષે 7 ઓગસ્ટે આ લોન્ચિંગમાં ગરબડ થઈ હતી. તે સમયે ઉપગ્રહ ખોટી ભ્રમણકક્ષામાં ગયો હતો.સફળ પ્રક્ષેપણઈન્ડિયન સ્પેસ રિસર્ચ ઓર્ગેનાઈઝેશન (ISRO) એ આંધ્રપ્રદેશના શ્રીહરિકોટામાં સતીશ ધવન સ્પેસ સ
04:45 AM Feb 10, 2023 IST
|
Vipul Pandya
અવકાશ (Space)ના ક્ષેત્રમાં એક નવું પગલું ભરતા, ISRO એ તેનો સૌથી નાનો ઉપગ્રહ (Satellite) SSLV-D2 લોન્ચ કર્યો છે. આ રોકેટને શ્રીહરિકોટાના સતીશ ધવન સ્પેસ સેન્ટરથી લોન્ચ કરવામાં આવ્યું હતું. આ પ્રક્ષેપણ સફળ રહ્યું છે. ગત વર્ષે 7 ઓગસ્ટે આ લોન્ચિંગમાં ગરબડ થઈ હતી. તે સમયે ઉપગ્રહ ખોટી ભ્રમણકક્ષામાં ગયો હતો.
સફળ પ્રક્ષેપણ
ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ આંધ્રપ્રદેશના શ્રીહરિકોટામાં સતીશ ધવન સ્પેસ સેન્ટરના પ્રથમ લોન્ચ પેડ પરથી સ્મોલ સેટેલાઇટ લોન્ચ વ્હીકલ (SSLV-D2) લોન્ચ કર્યું છે. આ પ્રક્ષેપણ આજે (10 ફેબ્રુઆરી) સવારે 9.18 વાગ્યે થયું હતું.
ત્રણ ઉપગ્રહોને ભ્રમણ કક્ષામાં મુકાશે
ISROએ જણાવ્યું હતું કે નવું રોકેટ તેની 15 મિનિટની ઉડાન દરમિયાન ત્રણ ઉપગ્રહો ISROના EOS-07, યુએસ સ્થિત ફર્મ એન્ટારિસના જાનુસ-1 અને ચેન્નાઈ સ્થિત સ્પેસ સ્ટાર્ટઅપ SpaceKidzના AzaadiSAT-2ને 450 કિમીની ગોળાકાર ભ્રમણકક્ષામાં મૂકવાનો પ્રયાસ કરશે.
પ્રાથમિક ઉપગ્રહ અને બે સહ-પેસેન્જર ઉપગ્રહોને પૃથ્વીની નીચી ભ્રમણકક્ષામાં મોકલવામાં આવ્યા
આજના પ્રક્ષેપણમાં, એક પ્રાથમિક ઉપગ્રહ અને બે સહ-પેસેન્જર ઉપગ્રહોને પૃથ્વીની નીચી ભ્રમણકક્ષામાં મોકલવામાં આવ્યા હતા. રોકેટ અર્થ ઓબ્ઝર્વેશન સેટેલાઇટ EOS-07ની સાથે અમેરિકન ફર્મના સેટેલાઇટ જાનુસ-1 અને ચેન્નાઈ સ્થિત સ્ટાર્ટ-અપ SpaceKidzના આઝાદી SAT-2ને પણ પૃથ્વીની ભ્રમણકક્ષામાં મૂકવામાં આવ્યા છે.
આર્થિક અને ઉદ્યોગ ઉત્પાદન માટે યોગ્ય બનાવવા માટે ડિઝાઇન કરવામાં આવ્યું
SSLV ને આર્થિક અને ઉદ્યોગ ઉત્પાદન માટે યોગ્ય બનાવવા માટે ડિઝાઇન કરવામાં આવ્યું છે. તે નાના ઉપગ્રહો લોન્ચ કરવા માટે છે. સફળ પ્રક્ષેપણ હવે ISROને 10 થી 500 કિગ્રા વજનના નાના ઉપગ્રહો માટે માંગ આધારિત પ્રક્ષેપણ સેવા શરૂ કરવાની તક આપશે.
આ પણ વાંચો--12 વર્ષમાં 16 લાખ લોકોએ ભારતીય નાગરિકતા છોડી, ગયા વર્ષે સૌથી વધારે લોકોએ છોડી નાગરીકતા, જાણો આંકડાઓ
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Next Article