રાજ્યમાં 3 દિવસ વંટોળિયો ફૂંકાવાની આગાહી, 29 મે સુધી માછીમારોને દરિયો ન ખેડવા સૂચના

એવું નથી કે, માત્ર ગુજરાતમાં જ વરસાદ પડી રહ્યો છે કે પડવાની સંભાવના છે. પરંતુ ગુજરાત સહિત દેશમાં ઘણાં સ્થળે વરસાદ વરસી રહ્યો છે. ત્યારે ગુજરાતમાં પણ પ્રિમોન્સૂન વરસાદના ભાગરૂપે રાજકોટ, ચોટીલા, દમણ સહિત વિસ્તારોથી પ્રારંભ થયો છે. આગામી દિવસ દક્ષિણ ગુજરાતમાં નવસારી, વલસાડ, દમણ સહિત વિસ્તારોમાં સામાન્ય વરસાદની આગાહી કરવામાં આવી છે. અંદમાન અને નિકોબાર દ્વીપ સમૂહ પર પહોંચ્યા બાદ દક્ષિણ પશ્ચિમ ચોમાસુ કેરળ તરફ ઝડપથી આગળ વધી રહ્યું છે. 

હવામાન વિભાગે આગામી અઠવાડિયાના મધ્ય સુધી કેરળમાં ચોમાસું શરુ થવાની આગાહી કરી છે. હવામાન વિભાગે જણાવ્યું કે, અઠવાડિયાના અંત સુધી કેરળમાં દક્ષિણ-પશ્ચિમ ચોમાસાને આગળ વધવા માટે સ્થિતિઓ અનુકૂળ બનતી જોવા મળી રહી છે. જેનો અર્થ છે કે ગુજરાતના લોકોને ગરમીથી જલ્દી જ રાહત મળી શકે છે.