તારક મહેતામાં ફરી આવી રહી છે 'ટપ્પુની મમ્મી', દયાબેને શેર કર્યા સંકેતો

'તારક મહેતા કા ઉલ્ટા ચશ્મા' (TMKOC) શોએ ચાહકોના દિલમાં પોતાની જગ્યા બનાવી લીધી છે. આ શોની ફેન ફોલોઈંગ ખૂબ જ વધી રહી છે. તાજેતરમાં, શોમાં બતાવવામાં આવ્યું હતું કે લાંબા સમય પછી બાઘાને તેનો ખોવાયેલો પ્રેમ બાવરીના સ્વરુપમાં પાછો મળ્યો છે. આ સાથે અભિનેત્રી નવીના વાડેકરે તારક મહેતા (TMKOC)માં બાવરીનાં પાત્ર સાથે તેની નવી શરૂઆત કરી છે અને દયાબેન એટલે કે દિશા વાકાણી (Disha Vakani)એ તેનું શોમાં સ્વાગત કર્યું છે. એવા અહેવાલો છે કે દિશાની શો માં વાપસીની પણ ચર્ચા છે.

આ શો 15 વર્ષથી દર્શકોને મનોરંજન આપી રહ્યો છે. આ શોના મેકર્સે શોમાં ઘણા ફેરફાર કર્યા છે. ઘણા પાત્રોએ શો છોડી દીધો અને કેટલાકે આ દુનિયાને અલવિદા કહી દીધું. તેવી જ રીતે, શોના નિર્માતાઓ બાવરીને પરત લાવ્યા છે, જે લાંબા સમયથી સીરિયલમાં જોવા મળી ન હતી.

સમાચાર આવી રહ્યા છે કે નવીના વાડેકરે બાવરીના પાત્ર માટે શૂટિંગ શરૂ કરી દીધું છે. જ્યારે આ વાત દયાબેન એટલે કે દિશા વાકાણીના કાને પહોંચી તો તે ખુશ થઈ ગઈ અને સોશિયલ મીડિયા પર પણ પોતાની ખુશી વ્યક્ત કરી. નવીના વાડેકર (Navina wadekar)ની એક તસવીર તેના ઈન્સ્ટાગ્રામ પર શેર કરીને દિશા વાકાણી એ તેને શોમાં તેના નવા ડેબ્યૂ માટે અભિનંદન પાઠવ્યા હતા. લાંબા સમય પછી, દિશા દ્વારા શો વિશે કોઈ પ્રતિક્રિયા આપવામાં આવી છે, આ કિસ્સામાં ચાહકો ખૂબ જ ઉત્સાહિત છે.

હવે ચાહકોને આશા છે કે દિશા પણ એક દિવસ તારક મહેતા શો માં પરત ફરવાની છે અને શોમાં ટપ્પુ કે પાપા કહેતી જોવા મળશે. ગયા વર્ષે જ દિશાની શોમાં વાપસી અંગે અસિત મોદી (Ashit modi)એ સ્પષ્ટ કહ્યું હતું કે તેને લાવવાના પ્રયાસો ચાલુ છે. હવે તાજેતરમાં શો ની ઘટતી ટીઆરપી પછી, એવું નક્કી કરવામાં આવ્યું હતું કે તારક મહેતાના છૂટાછવાયા એપિસોડને ફરીથી જોડવા પડશે અને શો છોડી ગયેલા પાત્રોને પાછા લાવવા પડશે.

આ પણ વાંચો--આતો હજું માત્ર 'ટ્રેલર' છે, હજું આવશે ખતરનાક કોલ્ડ વેવ