તમામ લોન મોંઘી, 0.25 ટકા રેપો રેટ વધારવાની RBIની જાહેરાત

નાણાકીય વર્ષ 2022-23માં ભારતીય રિઝર્વ બેંકે RBI મોનેટરી પોલિસીની છેલ્લી ક્રેડિટ પોલિસીના નિર્ણયોની આજે જાહેરાત કરવામાં આવી છે. RBI ગવર્નર શક્તિકાંત દાસે (Shaktikanta Das) સવારે 10 વાગ્યાથી MPCની બેઠકના પરિણામો વિશે માહિતી આપી છે. આમાં રેપો રેટને લઈને જાહેરાત કરવામાં આવી છે અને તેઓએ બેંકોને આપવામાં આવતી લોનના દરમાં 0.25 ટકાનો વધારો કર્યો છે.

ભારતીય રિઝર્વ બેંકના ગવર્નર શક્તિકાંત દાસે આજે જાહેરાત કરી છે કે MPCએ રેપો રેટમાં 0.25 ટકાનો વધારો કર્યો છે. આ પછી દેશમાં રેપો રેટ વધીને 6.50 ટકા થઈ ગયો છે, જે પહેલા 6.25 ટકા હતો. MPCના 6માંથી 4 સભ્યોએ તેની તરફેણમાં મતદાન કર્યું હતું.

આરબીઆઈના ગવર્નર શક્તિકાંત દાસે કહ્યું કે વૈશ્વિક અર્થવ્યવસ્થામાં આવેલા ઉતાર-ચઢાવ અને ફુગાવાના આંકડા ભારતીય અર્થવ્યવસ્થાને પણ અસર કરી રહ્યા છે. ભારતીય અર્થવ્યવસ્થા ઝડપથી વધી રહી છે પરંતુ વૈશ્વિક પડકારો આપણી સામે છે અને તે મુજબ નિર્ણયો લેવા પડશે. આરબીઆઈ ગવર્નરે કહ્યું કે નાણાકીય વર્ષ 2023 માટે ભારતનો જીડીપી 7 ટકા રહેવાનો અંદાજ છે. નાણાકીય વર્ષ 2023-24માં ફુગાવાનો દર 4 ટકાની રેન્જથી ઉપર રહેવાની શક્યતા છે. આરબીઆઈએ એમએસએફ રેટ વધારીને 6.75 ટકા કર્યો છે અને તેમાં પણ 0.25 ટકાનો વધારો થયો છે. MSF 6.50 ટકાથી વધારીને 6.75 ટકા કરવામાં આવ્યું છે.

આજે, આરબીઆઈની નાણાકીય નીતિની જાહેરાત પહેલા, બેંક નિફ્ટીના લગભગ તમામ બેંક શેરો લીલા નિશાનમાં ટ્રેડ થઈ રહ્યા હતા અને બેંક નિફ્ટીમાં તેના પોતાના પર તેજી જોવા મળી રહી હતી. સવારે 9:54 વાગ્યે બેંક નિફ્ટીના 12માંથી 9 શેરોમાં ઉછાળો જોવા મળી રહ્યો હતો અને બેંક નિફ્ટી 200 પોઈન્ટની ઉપર ટ્રેડ થઈ રહ્યો હતો.

 આ પણ વાંચો--હિંડનબર્ગ રિપોર્ટ ભારત સામે મોટુ ષડયંત્ર હોવાનો ઘટસ્ફોટ