ઇમરાન ખાનની ગમે ત્યારે ધરપકડ થવાની આશંકા, પાકિસ્તાનમાં ભારે તણાવ

પાકિસ્તાન (Pakistan)માં રાજકીય લડાઈ વધી રહી છે. આ દરમિયાન લાહોર પોલીસનો કાફલો પૂર્વ પીએમ ઈમરાન ખાન (Imran Khan)ની ધરપકડ કરવા માટે તેમના ઘરે પહોંચી ગઈ છે. બીજી તરફ ઈમરાન ખાનના સમર્થકો તેમની સુરક્ષા માટે તેમના ઘરની બહાર એકઠા થયા છે.

પાકિસ્તાનની આતંકવાદ વિરોધી કોર્ટે ઈમરાન ખાનની જામીન અરજી ફગાવી દીધી હતી. આ પછી લાહોરના જમાન પાર્કમાં ભારે પોલીસ ફોર્સ પહોંચી ગઈ છે. આવી સ્થિતિમાં ઈમરાન ખાનની ધરપકડ થવાની આશંકા વ્યક્ત કરવામાં આવી રહી છે. માનવામાં આવે છે કે ઈમરાન ખાનની ધરપકડ બાદ પાકિસ્તાનમાં તણાવની સ્થિતિ સર્જાઈ શકે છે.

આ પહેલા ગુરુવારે પાકિસ્તાનમાં એવી અફવા ફેલાઈ હતી કે જો ઈમરાન લાહોર હાઈકોર્ટમાં હાજર નહીં થાય તો પોલીસ તેમની ધરપકડ કરવાની યોજના બનાવી રહી છે. આવી સ્થિતિમાં ગુરુવારથી જ ઈમરાન ખાનના ઘરે તેમના સમર્થકોને એકત્ર કરવાની પ્રક્રિયા શરૂ થઈ ગઈ હતી. સમર્થકોને આશંકા છે કે ઈમરાન ખાનની ગમે ત્યારે ધરપકડ થઈ શકે છે. આવી સ્થિતિમાં ઇમરાન ખાનના હજારો સમર્થકો લાહોરમાં એકઠા થયા છે. જમાન પાર્ક વિસ્તાર છાવણી બની ગયો છે.

આ પણ વાંચો---ફિજીના વડાપ્રધાને ભારતને કહ્યું જૂનો અને વિશ્વાસપાત્ર મિત્ર,ચીન વિશે કહી દીધી આ મોટી વાત