વધુ એક ક્રિકેટર લગ્નના તાંતણે બંધાશે, આજે અક્ષર-મેહાના લગ્ન

ભારતીય ક્રિકેટ ટીમમાં લગ્નની સિઝન ચાલી રહી છે.. સ્ટાર ક્રિકેટર કે એલ રાહુલે તાજેતરમાં અભિનેત્રી આથિયા શેટ્ટી સાથે લગ્ન કર્યા બાદ ભારતીય ક્રિકેટ (Cricket)  ટીમનો વધુ એક ખેલાડી લગ્નનાં બંધને બંધાવા જઇ રહ્યો છે.. સ્ટાર ઓલરાઉન્ડર અક્ષર પટેલ (Akshar Patel) ગુરૂવારે 26 જાન્યુઆરીનાં રોજ લગ્ન (Wedding)નાં તાંતણે બંધાઇ જશે..

ગુજરાતનાં નડીયાદનાં રહીશ ક્રિકેટર અક્ષર પટેલ તેની જુની મિત્ર મેહા પટેલ સાથે લગ્ન કરશે.. અક્ષર અને મેહા બંને એકબીજાને ઘણાં લાંબા સમયથી ઓળખે છે.. એકબીજાને સારી રીતે ઓળખતાં હોવાથી બંનેએ જીવનભર સાથે રહેવાનો નિર્ણય કરી લગ્ન કરવાનું નક્કી કર્યું હતું.. જેથી જુના મિત્ર હવે એકબીજાનાં જીવનસાથી બનશે.

ડાબોડી ઓલરાઉન્ડર અક્ષર અને મેહા પટેલનાં લગ્ન સંપુર્ણ ગુજરાતી રીતિ રિવાજ મુજબ થઇ રહ્યાં છે.. લગ્ન પહેલાંની તમામ રસમો નડિયાદમાં અક્ષર પટેલનાં નિવાસ ખાતે યોજાઇ હતી.. લગ્ન પહેલાં ગણેશ સ્થાપના, મહેંદી સેરેમની, સંગીત સંધ્યા સહિતનાં આયોજનો આજે નડિયાદ ખાતે યોજાયાં હતાં.. જેમાં પરિવારનાં નજીકનાં સંબંધીઓ તેમજ અક્ષર પટેલનાં અંગત મિત્રો ઉપસ્થિત રહ્યાં હતાં.

નડિયાદ ખાતે જરૂરી રસમો પુરી કર્યા બાદ અક્ષર અને મેહા બંનેનાં પરિવાર વડોદરા પહોંચશે.. જ્યાં વડોદરા ખાતે બંનેનાં લગ્ન થશે.. વડોદરાનાં સેવાસી વિસ્તારમાં આવેલ આલીશાન કબીર ફાર્મ ખાતે અક્ષર અને મેહા પટેલનો ભવ્ય લગ્ન સમારોહ યોજાશે.. જ્યાં બંને લગ્નનાં બંધને બંધાઇ જશે.. લગ્ન સમારંભને લઇને તમામ તૈયારીઓ પુરી કરી લેવામાં આવી છે.

અક્ષર પટેલનાં લગ્ન વડોદરામાં યોજાવાનાં છે.. જેથી ભારતીય ક્રિકેટ ટીમનાં તેનાં સાથી ખેલાડીઓ લગ્ન પ્રસંગમાં હાજરી આપવા વડોદરા આવે તેવી શક્યતા છે.. ન્યુઝીલેન્ડ સામેની વન ડે સીરીઝ બાદ શુક્રવારથી ટી-ટ્વેન્ટી સીરીઝ શરૂ થશે.. જેથી વન ડે સીરીઝમાં રમનાર રોહિત શર્મા, વિરાટ કોહલી, શાર્દુલ ઠાકુર, મોહમ્મદ સિરાજ, મોહમ્મદ શામીને ટી-ટ્વેન્ટી સીરીઝમાં બાકાત રાખવામાં આવ્યાં છે.. જેથી આ ક્રિકેટરો પૈકી કેટલાક સ્ટાર ક્રિકેટર વડોદરામાં અક્ષર પટેલનાં લગ્નમાં હાજરી આપે તેવી શક્યતા છે.

આ પણ વાંચો--મહિલા IPL માટે ટીમોની જાહેરાત, BCCIએ હજારો કરોડની કમાણી કરી, અદાણીએ અમદાવાદની ટીમ ખરીદી