દેશની મહિલા સૈન્ય અધિકારીની અનોખી સિદ્ધી, વિશ્વની સૌથી ઊંચી યુદ્ધભૂમિમાં બજાવશે ફરજ

મહિલા સશક્તિકરણ (Women Empowerment)માં દેશવાસીઓની છાતી ગજ ગજ ફુલે તેવી ઘટના આકાર લઇ રહી છે. હવે વિશ્વની સૌથી ઉંચી યુદ્ધભૂમિ પર મહિલા સૈન્ય અધિકારી (Woman Army Officer) ફરજ બજાવી દેશ સેવા કરશે. ફાયર એન્ડ ફ્યુરી કોર્પ્સના કેપ્ટન શિવા ચૌહાણ (Captain Shiva Chauhan) હવે સિયાચીન ગ્લેશિયરમાં કુમાર પોસ્ટ ખાતે ફરજ બજાવશે.

દેશ માટે ગૌરવ ગણાતી આ ઘટના અંગે મળેલી માહિતી મુજબ ફાયર એન્ડ ફ્યુરી કોર્પ્સના કેપ્ટન શિવા ચૌહાણ વિશ્વના સર્વોચ્ચ યુદ્ધક્ષેત્રમાં પોતાની કઠિન તાલીમ પૂર્ણ કર્યા પછી કુમાર પોસ્ટમાં  તૈનાત થનારી પ્રથમ મહિલા અધિકારી બની છે. 

આપણા દેશમાં મહિલાઓ હવે દરેક ક્ષેત્રમાં પુરુષ સમોવડી બની ગઇ છે અને મહિલાઓ માટે કઠિન ગણાતા કાર્યો પણ મહિલાઓ આસાનીથી કરે છે. દેશના સૈન્યમાં પણ મહિલા અધિકારીઓ અને મહિલા જવાનો વર્ષોથી દેશ સેવા કરી રહી છે. અઘરા કાર્યોમાં પણ મહિલાઓએ નિપુણતા હાંસલ કરી છે ત્યારે દેશવાસીઓને ગૌરવ થાય તેવી ઘટના બની છે.

વિશ્વની સૌથી ઊંચી યુદ્ધભૂમિ પર મહિલા સૈન્ય શકિત તૈનાત થઇ છે. ફાયર એન્ડ ફ્યુરી કોર્પ્સના કેપ્ટન શિવા ચૌહાણે મહિલા સૈન્ય અધિકારી તરીકે અનોખી  સિદ્ધિ હાંસલ કરી છે. તેઓ સર્વોચ્ચ યુદ્ધક્ષેત્રમાં કાર્યરત થનારી પ્રથમ મહિલા અધિકારી બન્યા છે.  કઠોર તાલીમ પૂર્ણ કર્યા બાદ કુમાર પોસ્ટ પર તેઓ  કાર્યરત થશે. કેપ્ટન શિવા ચૌહાણ  સર્વોચ્ચ યુદ્ધક્ષેત્રમાં ફરજ બજાવશે અને તેથી દેશ મહિલા સશક્તિકરણમાં નવી સિદ્ધી હાંસલ કરશે. 

આ પણ વાંચો--હિમાચલ પ્રદેશમાં વારંવાર ધરતી કેમ હલે છે? 18 દિવસમાં ભૂકંપના 5 આંચકા