બનાસકાંઠામાં ખાનગી બસ પલટી જતાં 55 મુસાફરોનો આબાદ બચાવ

બનાસકાંઠા (Banaskantha)ના બાલારામ બ્રિજ પર ખાનગી બસ બલટી જતાં 55 મુસાફરોનો આબાદ બચાવ થયો હતો. બસ પુનાથી જયપુર જઇ રહી હતી. 

બનાસકાંઠાના બાલારામ બ્રિજ પર બસ પલટી જતાં 55 મુસાફરોનો આબાદ બચાવ થયો હતો. પ્રાપ્ત માહિતી મુજબ બાલારામ બ્રિજ પર આગળ જતા ડંપર ચાલકે બ્રેક મારતા પાછળ આવતી ક્રેનના ચાલકે પણ બ્રેક મારતા ક્રેનની પાછળ આવતી ખાનગી બસના ચાલકે સંતુલન ગુમાવી દીધું હતું અને બસ પલ્ટી ખાઈ ગઈ હતી. ઘટનાના પગલે મુસાફરોમાં રોકકળ મચી ગઇ હતી અને ગભરાટના દ્રષ્યો  જોવા મળ્યા હતા. પુનાથી રાજસ્થાનના ખીવાના જતી ખાનગી બસ પલટી મારતા ૫૫ જેટલા મુસાફરોનો આબાદ બચાવ થયો હતો.

ઘટનામાં બસમાં સવાર 55 મુસાફરોમાંથી 15 જેટલા મુસાફરોને ઈજાઓ થઈ હતી જ્યારે  બાકી ના મુસાફરોનો આબાદ બચાવ થયો હતો. બસ પલ્ટી મારતાની સાથે મુસાફરોનો શ્વાસ અધ્ધર થયા હતા. કેટલાક મુસાફરો ભયભીત થયેલા જોવા મળ્યા હતા.

સમગ્ર ઘટનાની જાણ એલ એન્ડ ટી કમ્પની ના સ્ટાફ અને પાલનપુર તાલુકા પોલીસને થતા ઘટનાસ્થળે આવી રોડ વન વે કરવામાં આવ્યો હતો ત્યાર બાદ ક્રેનની મદદ થી બસને સાઈડમાં કરી રસ્તો ખુલ્લો કરવામાં આવ્યો હતો.

આ પણ વાંચો--અમદાવાદમાં શ્રમિક અન્નપૂર્ણા યોજનાનું ઉદઘાટન