Haryana: શું બબીતા ફોગાટ અને વિનેશ ફોગાટ આમને સામને લડશે ચૂંટણી?
- મહિલા કુસ્તીબાજ વિનેશ ફોગાટ અને કુસ્તીબાજ બંજરંગ પુનિયાની કોંગ્રેસ સાંસદ રાહુલ ગાંધી સાથે મુલાકાત
- આ બંને કુસ્તીબાજો કોંગ્રેસમાં જોડાઈ શકે છે
- હરિયાણામાં વિધાનસભા ચૂંટણી પૂર્વે આ મુલાકાતથી ઉત્તેજના
- જો વિનેશ દાદરીથી ચૂંટણી લડશે તો તેમનો સામનો બબીતા ફોગાટથી થશે.
Haryana election : મહિલા કુસ્તીબાજ વિનેશ ફોગાટ અને કુસ્તીબાજ બંજરંગ પુનિયાએ કોંગ્રેસ સાંસદ રાહુલ ગાંધી સાથે મુલાકાત કરી છે. એવું માનવામાં આવે છે કે આ બંને કુસ્તીબાજો કોંગ્રેસમાં જોડાઈ શકે છે. કોંગ્રેસે આ બેઠકની તસવીર X પર પોસ્ટ કરી છે. આ તસવીરની સાથે કોંગ્રેસે લખ્યું છે કે 'વિનેશ ફોગાટ અને બજરંગ પુનિયા વિપક્ષના નેતા રાહુલને મળ્યા.' કોંગ્રેસે બંને કુસ્તીબાજોને પોતાની પાર્ટીમાં જોડાવાનો પ્રસ્તાવ મુક્યો હતો પરંતુ અત્યાર સુધી બંને કુસ્તીબાજોએ આ પ્રસ્તાવ પર મૌન જાળવ્યું હતું પરંતુ રાહુલને મળ્યા બાદ બંને કોંગ્રેસમાં જોડાવાના સંકેત મળી રહ્યા છે. હરિયાણામાં વિધાનસભા ચૂંટણી (Haryana election) પૂર્વે આ મુલાકાતથી ઉત્તેજના જોવા મળી છે.
બંનેના કોંગ્રેસમાં જોડાવાથી હરિયાણાની ચૂંટણી વધુ રસપ્રદ બનશે
બંને કુસ્તીબાજો એવા સમયે રાહુલ ગાંધીને મળ્યા જ્યારે હરિયાણામાં વિધાનસભા ચૂંટણી માટે ઉમેદવારોની જાહેરાત કરવામાં આવી રહી છે. આ બંનેના કોંગ્રેસમાં જોડાવાથી હરિયાણાની ચૂંટણી વધુ રસપ્રદ બનશે. આ બંને જે બેઠકો પરથી ચૂંટણી લડશે તે બેઠકો હાઈપ્રોફાઈલ ગણાશે.
#भाजपा_सदस्यता_अभियान के अंतर्गत मैंने @BJP4India की सदस्यता ली आप सभी से भी अनुरोध है कि https://t.co/fVhcEPjsSO लिंक पर क्लिक करके भाजपा के सदस्य बने और आदरणीय प्रधानमंत्री श्री @narendramodi जी के नेतृत्व में विकसित भारत बनाने में योगदान करें।
आप भी 8800002024 पर… pic.twitter.com/owWzoCE1Rn
— Babita Phogat (@BabitaPhogat) September 3, 2024
આ પણ વાંચો---BJP-RSSને ટક્કર આપવા કોંગ્રેસની નવી ટીમ, જાણો કોને કઇ જવાબદારી મળી
જો તે દાદરીથી ચૂંટણી લડશે તો તેમનો સામનો બબીતા ફોગાટથી થશે.
અહેવાલો અનુસાર, કોંગ્રેસે વિનેશને બધરા અને દાદરીની બે સીટો ઓફર કરી છે. તેમણે આ બે બેઠકોમાંથી એકને પસંદ કરવા જણાવ્યું છે. આ બંને બેઠકો ચરખી દાદરીમાં આવે છે. તેમાંથી બબીતા ફોગટે 2019માં દાદરી સીટથી ભાજપની ટિકિટ પર ચૂંટણી લડી છે. જોકે આ ચૂંટણીમાં તેમને હારનો સામનો કરવો પડ્યો હતો. જો વિનેશ દાદરી સીટ પરથી ચૂંટણી લડશે તો આ સીટ પર બે બહેનો વચ્ચે ટક્કર થશે.
नेता विपक्ष श्री @RahulGandhi से विनेश फोगाट जी और बजरंग पुनिया जी ने मुलाकात की। pic.twitter.com/UK7HW6kLEL
— Congress (@INCIndia) September 4, 2024
કોંગ્રેસની હરિયાણા ચૂંટણી માટે આમ આદમી પાર્ટી સાથે ગઠબંધન કરવા માટે વાતચીત
કોંગ્રેસ હરિયાણા ચૂંટણી માટે આમ આદમી પાર્ટી સાથે ગઠબંધન કરવા માટે વાતચીત કરી રહી છે. અગાઉ, આમ આદમી પાર્ટીના નેતા અને રાજ્યસભાના સભ્ય સંજય સિંહે એવા અહેવાલોને આવકાર્યા હતા જેમાં દાવો કરવામાં આવ્યો હતો કે કોંગ્રેસના નેતા રાહુલ ગાંધીએ હરિયાણામાં અરવિંદ કેજરીવાલની આગેવાની હેઠળની પાર્ટી સાથે જોડાણની શક્યતામાં રસ દાખવ્યો છે. એવા ઘણા અહેવાલો છે જેમાં દાવો કરવામાં આવ્યો છે કે સોમવારે કોંગ્રેસની કેન્દ્રીય ચૂંટણી સમિતિ (CEC)ની બેઠકમાં ગાંધીએ હરિયાણામાં વિધાનસભા ચૂંટણી માટે AAP સાથે જોડાણની શક્યતામાં રસ દર્શાવ્યો હતો.
AAP સાથે અમારી વાતચીત ચાલુ છે - બાબરિયા
જ્યારે AAP સાથે ગઠબંધનની સંભાવના વિશે પૂછવામાં આવ્યું ત્યારે કોંગ્રેસના પ્રદેશ પ્રભારી મહાસચિવ દીપક બાબરિયાએ કહ્યું, 'અમે આમ આદમી પાર્ટી સાથે વાતચીત કરી રહ્યા છીએ, પરંતુ હજુ સુધી કંઈ નક્કી થયું નથી. કંઈક નક્કી થતાં જ અમે તમને જાણ કરીશું.' બાબરિયાએ કહ્યું, 'અમારે ભાજપને હરાવવાનું છે અને વોટ વિભાજિત થવા દેવાના નથી આવતીકાલ સુધીમાં સ્થિતિ સ્પષ્ટ થઈ જશે.'
ચૂંટણીના પરિણામો 8 ઓક્ટોબરે આવશે
કોંગ્રેસની CECની બેઠક સોમવારે યોજાઈ હતી, જેમાં હરિયાણા વિધાનસભા ચૂંટણી માટે 34 ઉમેદવારોના નામ નક્કી કરવામાં આવ્યા હતા.
બાબરિયાએ કહ્યું હતું કે, 'હરિયાણા માટે સીઈસીની બેઠક યોજાઈ હતી. રાજ્ય સ્ક્રિનિંગ કમિટી દ્વારા 49 નામોની સૂચિ રજૂ કરવામાં આવી હતી, જેમાંથી 34ને મંજૂરી આપવામાં આવી છે અને 15 બાકી છે.'
આ પણ વાંચો--- Congress : માધબી બુચના પગાર મુદ્દે વિવાદ, SEBI વડા પર કોંગ્રેસના સવાલો