Daman : કેન્દ્રશાસિત પ્રદેશના પ્રશાસક પ્રફુલ્લ પટેલે મોટી દમણ કિલ્લાનું કર્યું નિરીક્ષણ
કેન્દ્રશાસિત પ્રદેશ દાદરા નગર હવેલી અને દમણ-દીવના પ્રશાસક શ્રી પ્રફુલ્લ પટેલે ગુરુવારે મોટી દમણ કિલ્લાની મુલાકાત લીધી હતી અને કિલ્લાના પરિસરમાં બ્યુટીફિકેશન માટે ઉપસ્થિત અધિકારીઓ અને કર્મચારીઓને સૂચનાઓ આપી હતી.
બ્યુટીફિકેશન માટે આપી સૂચના
દાદરા નગર હવેલી અને દમણ-દીવના પ્રશાસક શ્રી પ્રફુલ્લ પટેલે ગુરુવારે મોટી દમણ કિલ્લા ખાતે પહોંચ્યા હતા. તેમણે અધિકારીઓ સાથે કિલ્લાના બ્યુટીફિકેશન માટે ચર્ચા કરી હતી અને જરુરી સૂચના આપી હતી.
કિલ્લાની મુલાકાતે આવતા પ્રવાસીઓને મળ્યા
આ દરમિયાન તેઓ કિલ્લાની મુલાકાતે આવતા પ્રવાસીઓને મળ્યા હતા અને તેમના અનુભવો શેર કર્યા હતા. તેમણે પ્રવાસીઓ સાથે વાતચીત કરી મોટી દમણ મુલાકાત વખતે કોઈપણ પ્રકારની અસુવિધા ન થાય તે વિશે જાણ્યું હતું. આ દરમિયાન નાણા સચિવ ગૌરવ સિંહ રાજાવત, દમણ જિલ્લા કલેક્ટર અને અન્ય અધિકારીઓ હાજર રહ્યા હતા.
આ પણ વાંચો----UAE : અબુધાબીના BAPS મંદિરના ઉદ્ઘાટન માટે PM MODI ને અપાયું આમંત્રણ