શું તમને રાત્રે મોડે સુધી ઊંઘ નથી આવતી ? અજમાવો આ ઉપાય 2 મિનીટમાં આવી જશે ઊંઘ !

ઘણા લોકોને રાત્રે વહેલી ઊંઘ ન આવવાની સમસ્યાનો સામનો કરવો પડે છે. તેની પાછળ ઘણા કારણો હોઈ શકે છે. નિષ્ણાંતોનું માનવું છે કે, નિંદ્રા ન આવવાનો આધાર તમે તેના પહેલા કયું કામ કરી રહ્યા છો તેના પર પણ છે. ઘણા લોકો રાત્રે સૂતા પહેલા ફોન વગેરેનો ઉપયોગ કરે છે, જે તમારી ઊંઘમાં પણ ખલેલ પહોંચાડે છે. 

દરેક વ્યક્તિ માટે ઊંઘ ખૂબ જ મહત્વપૂર્ણ છે. સારી ઊંઘ ન આવવાથી લોકોના સ્વાસ્થ્ય પર ખરાબ અસર પડે છે. ઘણી વખત ઊંઘ ન આવવાને કારણે લોકો ખૂબ જ ગુસ્સે થઇ જાય છે. આ સમસ્યા ઘણા લોકોમાં જોવા મળે છે જેઓ રાત્રે મોડા ઊંઘે છે. જ્યારે ઘણી વખત એવું પણ બને છે કે જ્યારે તમે દિવસ દરમિયાન આરામ કરો છો તો તમને રાત્રે ઊંઘ આવવામાં ઘણો સમય લાગે છે.

નિષ્ણાતોનું માનવું છે કે, નિંદ્રા ન આવવાનો આધાર તમે તેના પહેલા કયું કામ કરી રહ્યા છો તેના પર પણ છે. આવી સ્થિતિમાં, જો તમને પણ રાત્રે વહેલા ઊંઘ ન આવવાની સમસ્યાનો સામનો કરવો પડે છે, તો તમારા માટે એક સારા સમાચાર છે. મહત્વનું છે કે, કાર્બોહાઇડ્રેટ યુક્ત ખોરાક ખાવાથી ખૂબ જ ઝડપથી ઊંઘ આવે છે.  સ્લીપ એક્સપર્ટ રોઝી ઓસ્મુનના જણાવ્યા અનુસાર, અભ્યાસમાં જાણવા મળ્યું છે કે, સૂવાના ચાર કલાક પહેલા કાર્બોહાઇડ્રેટ ખાવાથી તમે પૂરતી ઊંઘ લઈ શકો છો. તેથી તમારા આહારમાં કાર્બોહાઇડ્રેટ્સનો સમાવેશ કરવાનો પ્રયાસ કરો. અન્ય એક અભ્યાસ દર્શાવે છે કે, જ્યારે તમે સૂવાનો સમય પહેલાં સ્ટાર્ચયુક્ત કાર્બોહાઇડ્રેટ ખાઓ છો તો તે વહેલી ઊંઘ તરફ દોરી જાય છે. 

આ માટે કેટલાક લોકો પર અભ્યાસ કરવામાં આવ્યો હતો. બધા લોકોને સૂતા પહેલા ભાત અને શાકભાજી ખવડાવવામાં આવ્યા હતા પરંતુ એક દિવસ ભોજનમાં બીજા પ્રકારના ભાતનો સમાવેશ કરવામાં આવ્યો. ધ અમેરિકન જર્નલ ઑફ ક્લિનિકલ ન્યુટ્રિશનમાં પ્રકાશિત થયેલા તારણો દર્શાવે છે કે, જ્યારે લોકો સૂવાના સમયના ચાર કલાક પહેલાં જાસ્મિન રાઇસ ખાય છે, ત્યારે તેઓ સામાન્ય રીતે ઊંઘવામાં અડધો સમય જ લાગ્યો હતો.