ભાવના અને કાજોલની એ લવ સ્ટોરી, જે સુપ્રીમ કોર્ટ સમક્ષ પહોંચી

સમલૈંગિક લગ્નની મંજૂરીને લઈને હાલમાં સુપ્રીમ કોર્ટમાં ચર્ચા ચાલી રહી છે. આ ચર્ચાના મૂળમાં ભારતના 20 સમલૈંગિક યુગલો છે જેમણે સમલૈંગિક લગ્નને લઈને સુપ્રીમ કોર્ટમાં અરજી કરી હતી. આ 20 કપલમાંથી એક છે કાજલ અને ભાવના. બંનેનો પ્રથમ નજરનો પ્રેમ  પરિવારના સભ્યોની મારનો શિકાર બન્યો છે. હવે બંનેને સુપ્રીમ કોર્ટ પાસેથી આશા છે કે જો યોગ્ય નિર્ણય આવે તો તેઓ તેમના પાંચ વર્ષ જૂના પ્રેમને અંત સુધી લઈ જઈ શકે છે.

કાજલ અને ભાવનાની પ્રેમ કહાની 2018માં લગ્ન સમારંભમાં શરૂ થઈ હતી. બંનેના મતે તે પહેલી નજરનો પ્રેમ હતો. બંને અલગ-અલગ રાજ્યોમાં રહેતા હતા અને લગ્ન પૂર્ણ થયા બાદ પોતાના ઘરે પરત ફર્યા હતા. અહીં મોબાઇલ તેમની વચ્ચે નિકટતાનું માધ્યમ બની ગયું અને ચેટિંગ શરૂ થયું. પરંતુ તેમના પરિવારજનોને તેમના સંબંધો વિશે પહેલાથી જ ખબર પડી ગઈ હતી. ત્યાર બાદ તેમના પર દેખરેખ વધારી દેવામાં આવી હતી. માતા-પિતા પણ તેમને ત્રાસ આપવા લાગ્યા. પરિવારના સભ્યોની મારપીટથી કંટાળીને ભાવના ભાગીને કાજલના ઘરે પહોંચી હતી.

ભાવના ઘરેથી ભાગી જતાં જ તેના પરિવારજનો સક્રિય થઇ ગયા હતા. તેમણે બે દિવસમાં ભાવનાને શોધી કાઢી. ત્યારબાદ તેમણે કાજલના પરિવારજનોને પણ ધમકી આપી હતી. ભાવના તો પોતાના ઘેર પાછી આવી ગઇ પણ તેની અંદરનો ગુસ્સો ઘણો વધી ગયો હતો. ઘરમાં તેના પર અત્યાચાર પણ વધી ગયો હતો. તેને ઘરમાં બંધ કરી દેવાઇ હતી અને તેનો ફોન પણ લઇ લેવાયો હતો. એક દિવસ એવો નથી ગયો જ્યારે તેની માતાએ તેને મારી ન હતો. ભાવનાએ જણાવ્યું કે પરિવારના સભ્યો કાજલને છોડીને કોઈ પુરુષ સાથે લગ્ન કરવાની ધમકી પણ આપતા હતા.

પણ સમય બદલાઈ રહ્યો હતો. 6 સપ્ટેમ્બર 2018ના રોજ સુપ્રીમ કોર્ટે પોતાના નિર્ણયમાં કહ્યું કે ગે હોવું ગુનો નથી. આ નિર્ણય બાદ બંનેમાં હિંમત આવી. બીજી તરફ પરિવારના સભ્યોનો અત્યાચાર વધી રહ્યો હતો. જ્યારે સહનશક્તિ ખુટી ગઈ, એપ્રિલ 2019 માં, બંને દિલ્હી હાઈકોર્ટના શરણે ગયા.ત્યારબાદ બંનેને પોલીસ સુરક્ષા પણ આપવામાં આવી હતી. જો કે ભાવનાના પરિવાર દ્વારા કાજલને ફોન કરીને ધમકી આપવાની પ્રક્રિયા યથાવત ચાલુ રહી હતી. એક વખત તો પરિવારના સભ્યોએ તેમના મકાનમાલિકને પણ કહ્યું હતું કે બંને ડ્રગ્સ લે છે. આ પછી કાજલ અને ભાવના દિલ્હી છોડીને બીજા શહેરમાં સ્થાયી થયા.

અત્યારે બંને પોતાની લડાઈ લડી રહ્યા છે. તેઓ દેશની સર્વોચ્ચ અદાલત સમક્ષ તે કાયદાને બદલવાની માંગ ઉઠાવી રહ્યા છે, ત્યારબાદ તેમના સંબંધોને દુનિયાની નજરમાં મંજૂર કરવામાં આવશે. કાજલે કહ્યું કે હવે અમે પહેલા કરતા સારી સ્થિતિમાં છીએ. અમારા મિત્રો છે. મારા બોસ ખૂબ જ સપોર્ટિવ છે જે મારા સંબંધ વિશે જાણે છે. પરિવાર વચ્ચેનું અંતર પણ ઓગળી રહ્યું છે. કાજલે જણાવ્યું કે બે વર્ષ સુધી સંપર્કમાં ન રહ્યા બાદ હવે તે ભાવનાના પરિવાર સાથે વાત કરી રહી છે. જોકે તેના મનમાં હજુ પણ ડર છે. ભાવના કહે છે કે તેના ચાર વર્ષથી વધુનો સમય થઇ ગયો છે. અમે દોડી દોડીને થાકી ગયા છીએ. જો અમે લગ્ન કર્યા હોત તો કાજલ અને મારા પ્રેમને કાયદાકીય પુરાવા મળી ગયા હોત.

આ પણ વાંચો---મહારાષ્ટ્રમાં અતિક અને અશરફના સમર્થનમાં લાગ્યા બેનરો, અપાયો શહીદનો દરજ્જો

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ