Rajkumar Santoshi : નિર્માતા રાજકુમાર સંતોષીને જામનગર કોર્ટે ફટકારી જેલની સજા, 2 કરોડનો દંડ ભરવો પડશે...
જામનગરની કોર્ટે આજે એટલે કે શનિવારે ચેક બાઉન્સ કેસમાં ફિલ્મ નિર્માતા રાજકુમાર સંતોષી (Rajkumar Santoshi)ને સજા ફટકારી છે. કોર્ટે રાજકુમાર સંતોષીને 2 વર્ષની જેલની સજા ફટકારી છે અને તેને 2 કરોડ રૂપિયા ચૂકવવાનો આદેશ આપ્યો છે. સમગ્ર મામલે વાત કરીએ તો રાજકુમાર સંતોષી (Rajkumar Santoshi)એ જામનગરના વેપારી અશોક લાલ પાસેથી 1 કરોડ રૂપિયા ઉછીના લીધા હતા. તેણે ઉછીના લીધેલા પૈસા સમયસર ચૂકવ્યા ન હતા. આવી સ્થિતિમાં અશોકલાલે રાજકુમાર સામે જામનગરની કોર્ટમાં કેસ કર્યો હતો.
રાજકુમાર સંતોષી અને અશોકલાલ ગાઢ મિત્રો હતા
હવે આ મામલે જામનગર કોર્ટે પોતાનો મોટો નિર્ણય સંભળાવ્યો છે. અશોકલાલના વકીલે કહ્યું હતું કે એક સમય હતો જ્યારે રાજકુમાર સંતોષી (Rajkumar Santoshi) અને અશોકલાલ ગાઢ મિત્રો હતા. આ મામલો વર્ષ 2015નો છે, જ્યારે નિર્માતાએ અશોક લાલ પાસેથી લોન તરીકે પૈસા લીધા હતા. 2019 માં, રાજકુમાર સંતોષી (Rajkumar Santoshi) જામનગર કોર્ટમાં સુનાવણી માટે હાજર થયા. રાજકુમારે એકવાર પૈસાની ચુકવણી કરવા માટે અશોક લાલને 10-10 લાખ રૂપિયાના 10 બેંક ચેક આપ્યા હતા, પરંતુ તે બધા ચેક ડિસેમ્બર 2016 માં બાઉન્સ થયા હતા.
કોર્ટે આપ્યો ચુકાદો...
ચેક બાઉન્સ થયા બાદ અશોકલાલે રાજકુમાર સાથે વાત કરવાનો પ્રયાસ કર્યો હતો. ખરેખર, તે તેમને ચેક બાઉન્સ થવા વિશે જણાવવા માંગતો હતો. પરંતુ કોઈ કારણોસર તેઓ વાત કરી શક્યા ન હતા. આ બાબતથી પરેશાન અશોકલાલે જામનગર કોર્ટનો સંપર્ક કર્યો હતો. તમને જણાવી દઈએ કે કોર્ટમાં કેસ નોંધાયા બાદ પણ રાજકુમાર સંતોષી (Rajkumar Santoshi) લગભગ 18 વખત સુનાવણીમાં હાજર રહ્યા ન હતા. શરૂઆતમાં કોર્ટે રાજકુમાર સંતોષી (Rajkumar Santoshi)ને કહ્યું હતું કે તેણે દરેક બાઉન્સ ચેક માટે અશોક લાલને 15,000 રૂપિયા ચૂકવવા પડશે. પરંતુ હવે આ કેસમાં કોર્ટે પોતાનો ચુકાદો આપ્યો છે. હવે તેણે અશોક લાલને લોનની બમણી રકમ ચૂકવવી પડશે.
BIGGG NEWS… AAMIR KHAN - SUNNY DEOL - RAJKUMAR SANTOSHI COLLABORATE FOR ‘LAHORE, 1947’… #SunnyDeol and director #RajkumarSantoshi reunite for a film produced by #AamirKhan… Titled #Lahore1947. pic.twitter.com/58FSVUcGFH
— taran adarsh (@taran_adarsh) October 3, 2023
રાજકુમાર સંતોષીનું ફિલ્મોમાં ડેબ્યુ
1990 માં, રાજકુમાર સંતોષી (Rajkumar Santoshi)એ ફિલ્મ ઘાયલથી દિગ્દર્શનમાં પગ મૂક્યો. આમાં સની દેઓલ મુખ્ય અભિનેતા તરીકે જોવા મળ્યો હતો. આ દિવસોમાં રાજકુમાર સંતોષી તેની આગામી ફિલ્મ 'લાહોર 1947' માટે પણ ચર્ચામાં છે. આ ફિલ્મમાં સની દેઓલ પણ એક્ટર તરીકે જોવા મળશે.
આ પણ વાંચો : આમિર ખાનની દીકરી ‘દંગલ ગર્લ’ નું અચાનક થયું અવસાન
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ