Smcના 15 ખાણોમાં દરોડા,ખનીજચોરી રૂા.4.34 કરોડની જ!!?

પોરબંદર જિલ્લાના કુછડી વિસ્તારમાં ગેરકાયદે ધમધમતી ૧૫ જેટલી ખાણો પર સ્ટેટ મોનિટરીંગ સેલ દ્વારા પાડવામાં આવેલા દરોડા પ્રકરણમાં ખાણ-ખનીજ ખાતા દ્વારા 4.34 કરોડની ખનીજચોરી થઈ હોવાનો રિપોર્ટ પોરબંદર પોલીસને સુપ્રત કર્યો છે. હવે અહીં આ મામલે શહેર અને જિલ્લાની પ્રજામાં એવી ચર્ચા થઈ રહી છે કે, 15-15 ખાણો ગેરકાયદેસર રીતે લાંબા સમય સુધી ધમધમતી રહી અને જ્યાંથી વાહનો અને મશીનો મળીને રુ. 1.37 કરોડનો તો મુદ્દામાલ જપ્ત થયો તે ખાણોમાંથી શું ફક્ત 4.34કરોડની જ ખનીજચોરી થઈ!! શંકાસ્પદ લાગી રહેલી આ બાબતમાં ફરી એકવાર તંત્ર કશુંક છૂપાવીને સમગ્ર મામલાને અગાઉના ખનીજચોરીના અનેક કિસ્સાઓની જેમ જ નબળો પાડી દેવાની તૈયારીમાં લાગી ગયું હોવાની ચર્ચા પણ જનતામાં થઈ રહી છે.

આ સમગ્ર ઘટનાક્રમને જરા ચોકસાઈથી જોઈએ તો સૌપ્રથમ તો ખાણ-ખનીજ ખાતાને જાણ કર્યા વિના જ સીધા ગાંધીનગરના આદેશથી સ્ટેટ મોનિટરીંગ સેલે કુછડી પંથકમાં ગેરકાયદે ખાણો પર દરોડા પાડ્યા. એસ.એમ.સી.એ તો તેની કામગીરી નિષ્ઠાપૂર્વક કરી 33 શખ્સો તથા 1.37 કરોડના વાહનો અને મશીનરી સહિતનો મુદ્દામાલ પોરબંદર પોલીસના હવાલે કર્યો. પોરબંદર પોલીસે પણ તેની કામગીરી પૂરઝડપે આગળ વધારી અને આ બારામાં ફરાર ખાણ માલિકોની ધરપકડ કરી.

આપણ  વાંચો-ભુવાલડી ગામમાં બે મહિલાઓની હત્યાનો આરોપી ઝડપાયો, અભદ્ર માંગણી ન સ્વીકારાતા કરી હતી હત્યા