હવે ગૂગલ મેપ્સ થશે અપડેટ, જણાવશે ટોલ ટેક્સ અંગે આ માહિતી

આજે ગૂગલની એપ્લિકેશન જાણે આપણા સફરનો સાથીદાર બની ગઈ હોઈ એવું લાગી રહ્યું છે. મુસાફરી દરમિયાન ગૂગલ મેપ્સ દરેક માટે રાહ બતાવનાર સાબિત થયું છે. આ એપથી તમે સમય બચાવીને કોઈપણ મુશ્કેલી વગર તમારી પહોંચવાની જગ્યાએ પોહચી શકો છો. યુઝર્સની સુવિધા માટે કંપની તેમાં એક યા બીજા અપડેટ કરતી રહે છે. ગૂગલે કહ્યું છે કે ગૂગલ મેપ્સમાં નવા નેવિગેશન ફીચર્સ આવી રહ્યા છે. જેમાં સારી નેવિગેશન માટે ટોલ ટેક્સ અંદાજ અને વિગતવાર નકશા સામેલ કરવામાં આવ્યા છે.

ગૂગલે મેપ્સની નવી સુવિધાઓમાં, તમને ખબર પડશે કે મુસાફરી દરમિયાન કેટલા ટોલ ગેટ આવશે અને કેટલો ટોલ ટેક્સ ચૂકવવો પડશે. આ તમને નક્કી કરવામાં મદદ કરશે કે તમારે ટોલ રોડ પરથી જવું છે કે અન્ય કોઈ રસ્તા પરથી. આ સિવાય નકશામાં એ પણ જાણવામાં આવશે કે કયા સમયે કેટલો ટોલ ટેક્સ વસૂલવામાં આવે છે. ગૂગલ પર ટોલ રોડ પ્રાઈસિંગની આ સુવિધા યુએસ, ભારત, જાપાન અને ઈન્ડોનેશિયામાં એન્ડ્રોઈડ અને આઈઓએસ યુઝર્સ માટે આ મહિને ગમે ત્યારે શરૂ થઈ શકે છે.

  દેશોના 2000 ટોલ રોડ વિશે માહિતી આપવામાં આવશે. આ સુવિધા અન્ય દેશો માટે પણ ટૂંક સમયમાં શરૂ થશે.  Google નકશામાં ટ્રાફિક લાઇટ, સ્ટોપ ચિહ્નો, બિલ્ડીંગની રૂપરેખા, રસ્તાની પહોળાઈ સહિતની તમામ માહિતી તમને ડ્રાઇવિંગ કરતી વખતે હવે જોવા મળશે. કંપનીનું કહેવું છે કે આનાથી છેલ્લી ઘડીએ લેન બદલાવ અને બિનજરૂરી વળાંકોથી છુટકારો મેળવવામાં મદદ મળશે.

iPhone અને iPad વપરાશકર્તાઓ માટે, Google એક નવું widget લાવી રહ્યું છે જેને વપરાશકર્તાઓ ગો ટેબ પર પિન કરી શકે છે. તેનાથી યુઝર્સને ખબર પડશે કે મંઝીલ સુધી પહોંચવામાં કેટલો સમય લાગશે. આ સાથે વાહનચાલકોને રૂટ પસંદ કરવા માટેના સૂચનો પણ મળશે. તેની સૌથી મોટી ખાસિયત એ હશે કે જો તમે એપલ વોચ પહેરી હોય અને તમારી પાસે આઈફોન ન હોય તો પણ તમે આ સુવિધાનો લાભ લઈ શકો છો.