મૌલાના અરશદ મદનીએ કહ્યું કે અલ્લાહ અને ઓમ એક, ભડકેલા ધર્મગુરુઓએ છોડ્યું મંચ

જમીયત ઉલેમા-એ-હિંદના સત્રના છેલ્લા દિવસે મૌલાના અરશદ મદનીના નિવેદન પર હંગામો થયો હતો. જમીયત ઉલેમા-એ-હિંદના 34માં સત્રમાં મૌલાના અરશદ મદનીએ મોહન ભાગવતના એ નિવેદનની ટીકા કરી હતી કે અલ્લાહ અને ઓમ એક છે. જેમના નિવેદનના વિરોધમાં અધિવેશનમાં પહોંચેલા વિવિધ ધર્મગુરુઓ સ્ટેજ છોડીને જતા રહ્યા હતા.

મેં મહાન ધર્મગુરુઓને પૂછ્યું કે, જ્યારે કોઈ નહોતું, ન તો શ્રી રામ, ન બ્રહ્મા, ન શિવ, ત્યારે પ્રશ્ન થાય? ત્યારે મનુ કોની પૂજા કરતા હતા? કેટલાક કહે છે કે તેઓ શિવની પૂજા કરતા હતા, પરંતુ તેમની પાસે ઇલમ નથી. બીજી તરફ કેટલાક લોકો કહે છે કે તેઓ ઓમની પૂજા કરતા હતા, તો મેં કહ્યું ઓમ કોણ છે? પછી ઘણા લોકોએ કહ્યું કે તે પવન છે, જેનું કોઈ સ્વરૂપ નથી, જેનો કોઈ રંગ નથી, તે વિશ્વમાં દરેક જગ્યાએ છે. જેણે આકાશ બનાવ્યું, ધરતી બનાવી, મેં કહ્યું, ઓ બાબા, અમે તેને અલ્લાહ કહીએ છીએ, તમે તેને ભગવાન કહો છો, અમે તેને અલ્લાહ કહીએ છીએ, પર્શિયન બોલનારા તેને ખુદા કહે છે અને અંગ્રેજી બોલનારા તેને ગોડ કહે છે. મતલબ કે મનુ એક અલ્લાહ, એક ઓમની પૂજા કરતા હતા. આ આપણા દેશની તાકાત છે.

જૈન સાધુ લોકેશે મદનીના નિવેદનનો વિરોધ કર્યો અને કહ્યું કે લોકોને જોડવા માટે આ સંમેલન યોજવામાં આવી રહ્યું છે. શા માટે આવી વાંધાજનક વસ્તુઓ? આ પછી તે કાર્યક્રમમાંથી ઉઠીને ચાલ્યા ગયા. તેમના પછી અન્ય ધર્મના સંતો પણ મંચ છોડી ગયા.જમિયતના વડાએ કહ્યું- 

જમીયત ઉલેમા-એ-હિંદના વડા મૌલાના મહમૂદ મદનીએ શનિવારે રામલીલા મેદાનમાં ચાલી રહેલા જમીયતના 34માં સત્ર દરમિયાન કહ્યું કે ભારત એટલું જ મદનીનું પણ છે જેટલું વડાપ્રધાન નરેન્દ્ર મોદી અને રાષ્ટ્રીય સ્વયંસેવક સંઘના વડા મોહન ભાગવતનું છે. 

'પયગમ્બરનો જન્મ અહીં થયો હતો અને આ મુસ્લિમોનું પ્રથમ વતન છે'

સંમેલનમાં મૌલાના મહમૂદ મદનીએ શનિવારે કહ્યું હતું કે અહીં અલ્લાહના પ્રથમ પયગંબરનો જન્મ થયો હતો અને આ મુસ્લિમોનું પ્રથમ વતન છે. તેમણે એવો પણ દાવો કર્યો હતો કે છેલ્લા કેટલાક વર્ષોમાં દેશમાં લઘુમતીઓ સામે હિંસાની ઘટનાઓ વધી છે અને સરકાર અને વહીવટીતંત્રે જે રીતે થવું જોઈએ તે રીતે કામ કર્યું નથી. અમે પણ અમારો અવાજ ઉઠાવીશું અને આવી ઘટનાઓ સામે લડત આપીશું. મદનીએ કહ્યું કે લઘુમતીઓને આરએસએસ, ભાજપ કે બહુમતી પ્રત્યે કોઈ ધાર્મિક કે વંશીય દુશ્મનાવટ નથી. તેમણે સંઘના વડા ભાગવતને પરસ્પર દ્વેષ અને દુશ્મનાવટ ભૂલીને દેશને મહાસત્તા બનાવવા માટે એકબીજાને ભેટવાનું આહ્વાન કર્યું હતું.

આ પણ વાંચોઃ  BJP-RSS સાથે કોઇ દુશ્મની નથી, ફક્ત વૈચારિક મતભેદ- મૌલાના મહમૂદ મદની