બગસરામાં ટ્રકમાં અનાજના જથ્થાની આડમાં છુપાવેલા દારૂ સાથે બે શખ્સોને LCBએ ઝડપી પાડ્યા

અમરેલીના બગસરામાં ઇંગ્લિશ દારૂ ભરેલો ટ્રક એલસીબીએ ઝડપી પાડ્યો હતો. જેમાં જૂનાગઢ ભાજપના કોર્પોરેટરના પતિ બુટલેગર ધીરેન કારીયાનું નામ ખુલ્યું હતું. તો બીજી તરફ બગસરા પોલીસ ઊંઘતી ઝડપાઈ હતી. અમરેલી જિલ્લામાં SP હિમકર સિંહની સૂચના હેઠળ લોકલ ક્રાઇમ બ્રાન્ચની ટીમને વડીયા તરફથી દારૂ ભરેલો ટ્રક આવી રહ્યો હોવાની બાતમી મળી હતી. જેથી પોલીસે વોચ ગોઠવી હતી. 

આ વચ્ચે બગસરાના બાયપાસ નજીક કળશ ચોકડી પાસે ટ્રકને પકડી પાડતા વિદેશી દારૂનો મોટો જથ્થો મળી આવતા પોલીસ પણ ચોંકી ઉઠી હતી. અહીં ટ્રકમાં ચારેય બાજુ અનાજ ભરેલા બારદાન રાખવામાં આવ્યાં અને અંદર અલગ અલગ બ્રાન્ડેડની દારૂની પેટીઓ રાખવામાં આવી હતી. આ દારૂને કોઈ જગ્યા ઉપર પહોંચાડી કટિંગ થાય તે પહેલા અમરેલી એલસીબીએ ઝડપી પાડ્યો હતો. સાથે બે ઇસમોની ધરપકડ કરવામાં આવી છે. જેમાં વરજાંગ કાંધાભાઈ મોરી ઉંમર 28 રે જૂનાગઢ તેમજ જયસુખ ઉર્ફે હસુ ઉર્ફે અશ્વિન દેવજીભાઈ વાઘેલા જાબુડી તાલુકો વિસાવદરના રેહવાસી બંનેની ધરપકડ કરવામાં આવી છે.

પોલીસે કુલ 4020 દારૂની પેટી નંગ 335 કિંમત રૂ.18,80,340 વાહન સહિત કુલ મુદ્દામાલ રૂ.33,21,840 સાથે બે શખ્સને હાલ ઝડપી લીધા છે. બગસરા પોલીસ સ્ટેશન વિસ્તારમાંથી દારૂ ઝડપાતા સ્થાનિક પોલીસ ઊંઘતી ઝડપાઈ હતી. ટીંબી વિસ્તારમાં ખાનગી રાહે વિદેશી દારૂ આવી રહ્યો છે અમરેલી જિલ્લામાં આવેલ જાફરાબાદ તાલુકાના ટીંબી વિસ્તારમાં પણ ઉના દિવ તરફથી ખાનગી રાહે કેટલાક લોકો ઇંગલિશ દારૂ ઘુસાડી રહ્યા છે અહીં ટીબી ગામ આસપાસ દારૂ આવી રહ્યો છે અને અહીં લોકલ ક્રાઇમ બ્રાન્ચ ખાનગી રાહે તપાસ કરે તો અહીં પણ મોટા પ્રમાણમાં દારૂ મળી આવે તેમ છે.

આપણ  વાંચો- પીસાઈ ગામે 22 વર્ષીય પરિણીતાની આત્મહત્યાનો મામલો, ત્રણ સાસરિયાઓને ઝડપ્યા