છેલ્લા બે વર્ષથી જેની આતુરતાથી અમદાવાદીઓ રાહ જોઇને બેઠા હતા તે આંતરરાષ્ટ્રીય પતંગ મહોત્સવ 2023નો આજથી પ્રારંભ થવા જઇ રહ્યો છે. આ મહોત્સવ 8થી 14 જાન્યુઆરી દરમિયાન અમદાવાદ અને ગુજરાતભરના શહેરોમાં યોજાવાનો છે. બે વર્ષ બાદ જ્યારે હવે આંતરરાષ્ટ્રીય પતંગ મહોત્સવ 2023નો પ્રારંભ થવા જઇ રહ્યો છે ત્યારે આ આયોજનમાં રાજ્યના મુખ્યમંત્રી ભુપેન્દ્ર પટેલ અને રાજ્યપાલ દેવવ્રત આચાર્ય હાજરી રહ્યા હતા. મુખ્યમંત્રી ભુપેન્દ્ર પટેલે આજે ‘આંતરરાષ્ટ્રીય પતંગ મહોત્સવ 2023’ નો અમદાવાદના સાબરમતી રિવરફ્રન્ટ ખાતેથી અન્ય મહાનુભાવો તથા વિશ્વભરમાંથી આવેલ પતંગરસિયાઓની ઉપસ્થિતિમાં શાનદાર શુભારંભ કરાવ્યો હતો.

આપને જણાવી દઇએ કે, G-20 થીમ પર આ આંતરરાષ્ટ્રીય પતંગ મહોત્સવનું આયોજન કરવામાં આવ્યું છે. ત્યારે અમદાવાદમાં આ ખાસ મહોત્સવમાં G-20 દેશોના પ્રતિનિધિઓ પણ ભાગ લેશે. અમદાવાદમાં સાબરમતી રિવરફ્રન્ટ પર 8 જાન્યુઆરી, 2023ના દિવસે સવારે વહેલા ગુજરાતના રાજ્યપાલ આચાર્ય દેવવ્રત દ્વારા આંતરરાષ્ટ્રીય પતંગ મહોત્સવનું ઉદ્ઘાટન કરવામાં આવ્યું. મુખ્યમંત્રી ભુપેન્દ્રભાઈ પટેલ અને પ્રવાસન મંત્રી મૂળુભાઈ બેરા પણ ઉદ્ઘાટન સમારોહ દરમિયાન ઉપસ્થિત રહ્યા હતા. મહત્વનું છે કે, રાજ્ય સરકારના પ્રવાસન વિભાગ દ્વારા દર વર્ષે પતંગ મહોત્સવનું આયોજન કરવામાં આવે છે. ત્યારે આંતરરાષ્ટ્રીય પતંગ મહોત્સવ-2023 આગામી 8 થી 14 જાન્યુઆરી દરમિયાન અમદાવાદમાં સાબરમતી રિવરફ્રન્ટ, વલ્લભસદન ખાતે યોજાવાનો છે. આંતરરાષ્ટ્રીય પતંગ મહોત્સવનું વિવિધ યાત્રાધામના સ્થળોએ આયોજન કરાયું છે. જેમકે સુરત, દ્વારકા, વડનગર, વડોદરા, રાજકોટ, ધોલેરા, ધોરડો એમ વિવિધ સ્થળે પતંગ મહોત્સવનું આયોજન થયું છે.

ભારતમાં યોજાનાર "આંતરરાષ્ટ્રીય પતંગ મહોત્સવ"ની શરૂઆત 1989માં થઈ હતી. અગાઉ અમદાવાદ, ગુજરાતમાં ઉજવવામાં આવતો, આ તહેવાર દર વર્ષે સ્થાનિક રીતે માત્ર અમદાવાદ અને તેની આસપાસના વિસ્તારમાં ઉજવવામાં આવતો હતો. હવે આ તહેવાર ગુજરાતની સાથે સાથે સમગ્ર દેશમાં રંગબેરંગી રીતે ઉજવવામાં આવે છે. તમને જાણીને નવાઈ લાગશે કે પતંગ ઉડાવવાની પ્રથા ચીનથી શરૂ થઈ હતી. આકાશમાં ઉડતી રંગબેરંગી પતંગોનો 150 વર્ષથી વધુનો ઈતિહાસ છે, જેમાં પરંપરાઓ, અંધશ્રદ્ધાઓ અને અનોખા પ્રયોગોનો સમાવેશ થાય છે. ચીન દેશમાં ઘણા એવા રાજવંશ હતા, જેમના શાસનમાં પતંગ ઉડાવીને અજાણી જગ્યાએ છોડી દેવી એ અશુભ માનવામાં આવતું હતું. તેમજ કપાયેલો પતંગ ઉપાડવો એ પણ અશુભ માનવામાં આવતું હતું. બીજી તરફ, થાઈલેન્ડમાં, દરેક રાજા પાસે એક અલગ પતંગ રહેતો હતો, જેની મદદથી તે તેને પાડોશી રાજ્ય અથવા ગરીબ રાજ્યમાં મોકલતો હતો અને શાંતિ અને સમૃદ્ધિની આશાનો પાયો નાખતો હતો. અહીં લોકો વરસાદની મોસમમાં ભગવાનને પ્રાર્થના કરવા માટે પણ પતંગ ઉડાવતા હતા. ચીન પતંગ માટે સૌથી યોગ્ય સ્થળ હતું કારણ કે પતંગને યોગ્ય આકાર આપવા માટે જરૂરી વાંસ ચીનમાં શ્રેષ્ઠ ઉપલબ્ધ છે. પતંગ ઉડાવવા માટે વપરાતો રેશમનો દોરો પણ ચીનમાં શ્રેષ્ઠ જોવા મળે છે.

આ પણ વાંચો - વડોદરામાં ગુજરાતની સૌથી મોટી ઇન્ટરનેશનલ મેરેથોનનું આયોજન, હર્ષ સંઘવીએ કરાવ્યું પ્રસ્થાન