સોનાના ભાવમાં ઘટાડો, જયારે ચાંદીમાં થોડો વધારો

જો તમે લગ્નની સિઝનમાં સોનું અથવા સોનાના દાગીના ખરીદવાનું વિચારી રહ્યા છો, તો તમારા માટે મહત્વપૂર્ણ અને સારા સમાચાર છે. સોનાના ભાવમાં ઘટાડો થયો છે. આ કારોબારી સપ્તાહના ચોથા દિવસે સોનાના ભાવમાં ઘટાડાનો સિલસિલો જારી રહ્યો હતો.જો કે ચાંદીના ભાવમાં થોડો વધારો જોવા મળ્યો હતો. હાલમાં સોનું ફરી એકવાર 51000 રૂપિયા પ્રતિ 10 ગ્રામ અને ચાંદી 61800 રૂપિયા પ્રતિ કિલો પર છે. આ સાથે સોનું તેની ઓલ ટાઈમ હાઈથી લગભગ 5100 રૂપિયા સસ્તી થઈ રહ્યું છે. 

ગુરુવારે સોનું 9 રૂપિયા પ્રતિ દસ ગ્રામ સસ્તું થયું અને 51029 રૂપિયા પ્રતિ 10 ગ્રામ પર બંધ થયું. જ્યાં બુધવારે છેલ્લા ટ્રેડિંગ દિવસે સોનું 51 રૂપિયા પ્રતિ દસ ગ્રામ સસ્તું થઈને 51038 રૂપિયા પ્રતિ 10 ગ્રામ પર બંધ થયું હતું.

બીજી તરફ ગુરુવારે ચાંદી 121 રૂપિયા મોંઘી થઈ અને 61806 રૂપિયા પ્રતિ કિલો પર બંધ થઈ. જ્યારે બુધવારે ચાંદી 367 રૂપિયા સસ્તી થઈને 61685 રૂપિયા પ્રતિ કિલોગ્રામ પર બંધ થઈ હતી.

આ રીતે ગુરુવારે 24 કેરેટ સોનું રૂ.9 ઘટીને રૂ.51029, 23 કેરેટ સોનું 9 રુપિયા ઘટીને 50825 સસ્તું, 22 કેરેટ સોનું 8 રુપિયા ઘટીને 46743, 18 કેરેટ સોનું રૂ.7 ઘટી રૂ.38272 સસ્તુ થયું હતું અને 14 કેરેટ સોનું 5 રુપિયા સસ્તું થયું અને 29852 રૂપિયા પ્રતિ 10 ગ્રામ પર બંધ થયું.

આ ઘટાડા પછી, સોનું તેની ઓલ ટાઈમ હાઈ કરતાં 5171 રૂપિયા પ્રતિ 10 ગ્રામ સસ્તું વેચાઈ રહ્યું હતું.  ઓગસ્ટ 2020માં સોનું ઉચ્ચ સ્તરે પહોંચ્યું હતું. તે સમયે સોનું 56200 રૂપિયા પ્રતિ દસ ગ્રામના સ્તરે પહોંચી ગયું હતું. 

વાસ્તવમાં રશિયા અને યુક્રેન વચ્ચે છેલ્લા 105 દિવસથી ચાલી રહેલા યુદ્ધ અને આંતરરાષ્ટ્રીય બજારમાં ક્રૂડ ઓઈલના ભાવમાં અસ્થિરતા વચ્ચે ભારત સહિત વિશ્વભરના બુલિયન માર્કેટમાં અસ્થિરતાનો માહોલ છે. આવી સ્થિતિમાં સમગ્ર વિશ્વમાં સોના-ચાંદીના ભાવમાં હલચલ જોવા મળી રહી છે.