Faridabad માં દિલ્હીના યુવકની ગોળી મારી હત્યા, જીમની બહાર 15 રાઉન્ડ ફાયરિંગ...
ફરીદાબાદ (Faridabad)માં એક મોટી ઘટના સામે આવી છે. ફરીદાબાદ (Faridabad)માં દિલ્હીના એક યુવકની હત્યા કરવામાં આવી હતી. હુમલાખોરોએ જિમની બહાર યુવક પર ગોળીબાર કર્યો હતો. હુમલાખોરો કારમાં આવ્યા હતા અને યુવક પર 15 રાઉન્ડ ફાયરિંગ કર્યું હતું. યુવકનું ઘટનાસ્થળે જ મોત નીપજ્યું હતું.
મામલો ફરીદાબાદ (Faridabad)ના સેક્ટર 11 નો છે. યુવક દિલ્હીનો રહેવાસી છે. આ ઘટના બની ત્યારે યુવક જીમની બહાર જ હતો. એવું કહેવામાં આવી રહ્યું છે કે જે વ્યક્તિની હત્યા કરવામાં આવી છે તે હિસ્ટ્રીશીટર અપરાધી છે. નામ છે બલ્લુ પહેલવાન. હુમલાખોરો જીમની બહાર કારમાં આવ્યા હતા. બે હુમલાખોરોએ અચાનક ગોળીબાર કર્યો. આખો વિસ્તાર ગોળીઓથી ગુંજી ઉઠ્યો હતો. ઘટનાને અંજામ આપ્યા બાદ હુમલાખોરો સફેદ રંગની કારમાં ફરાર થઈ ગયા હતા. કહેવામાં આવી રહ્યું છે કે 15 થી વધુ રાઉન્ડ ફાયરિંગ કરવામાં આવ્યું હતું.
ઘટના બાદ ફરીદાબાદ (Faridabad)ના પોલીસ કમિશનર રાકેશ કુમાર આર્ય ઘટનાસ્થળે પહોંચ્યા હતા. તેમણે ઘટના સ્થળની તપાસ કરી હતી. મૃતકને પોસ્ટમોર્ટમ માટે મોકલી આપવામાં આવ્યો છે. પોલીસ ઘટનાસ્થળે પહોંચી ગઈ છે. તેના CCTV ફૂટેજ પણ સામે આવ્યા છે, જેમાં સમગ્ર ઘટના કેદ થઈ છે. હુમલાખોરોએ કેવી રીતે આ ઘટનાને અંજામ આપ્યો તે વીડિયોમાં જોઈ શકાય છે. હુમલાખોરો કારમાંથી નીચે ઉતર્યા હતા અને અંધાધૂંધ ફાયરિંગ કર્યું હતું. અને આ પછી તેઓ સરળતાથી કારમાં ભાગી ગયા હતા.
આ ઘટનાથી ખળભળાટ મચી ગયો છે. ઘટનાને લઈને વિસ્તારના લોકોમાં ભયનો માહોલ છે. પોલીસ હજુ પણ આ મામલે કંઈ પણ કહેવાનું ટાળી રહી છે. પોલીસનું કહેવું છે કે પ્રાથમિક તપાસ બાદ જ કેટલીક માહિતી બહાર આવશે. હજુ તપાસ ચાલુ છે.
આ પણ વાંચો : Manipur માં આતંકવાદીઓએ ફરી ગોળીબાર કર્યો, 2 નાગરિકોના મોત, 3 ઘાયલ