એરફોર્સ સ્ટેશન જામનગર દ્વારા ‘સ્વચ્છતા હી સેવા’ના સૂત્ર સાથે સ્વચ્છ ભારતની ઝુંબેશ હાથ ધરાઇ
એરફોર્સ સ્ટેશન જામનગર, હેડક્વાર્ટર સાઉથ વેસ્ટર્ન એર કમાન્ડ અને AIR HQ ના નેજા હેઠળ 'સ્વચ્છતા હી સેવા'ના સૂત્ર સાથે ગ્રીન અને ક્લીન ઈન્ડિયા તરફ એક મહિનાનું અભિયાન ચાલી રહ્યું છે. જેમાં બીજા તબક્કા દરમિયાન સ્ટેશનની અંદર વિખરાયેલા સ્થળોએ મોટાપાયે સફાઈ અભિયાનની સફળતાપૂર્વક પૂર્ણતા સાથે અભિયાને તેના લક્ષ્યાંકો હાંસલ કર્યા છે.
આ ઝુંબેશમાં ટેકનિકલ ક્ષેત્રે સ્વચ્છતા ઉપર વિશેષ ભાર મૂકવામાં આવ્યો હતો, જેને કામગીરીમાં સરળતામાં અનેકગણો વધારો કર્યો હતો. ઝુંબેશમાં AF-II ના સ્થાનિક વિસ્તાર માટે નોંધપાત્ર સમય , માનવબળ અને સ્ટેશન સંસાધનો પણ સમર્પિત કરવામાં આવ્યા હતા.ઝુંબેશમાં દિવાલની સાથે અતિશય વનસ્પતિને સાફ કરવા અને પંપ હાઉસ, પાવર સ્ટેશન, સ્ટેટિક વોટર પોઈન્ટ વગેરે જેવા મહત્વના MES સ્થાપનોને સાફ કરવા ઉપર વિશેષ ભાર મૂક્યો હતો. આગામી સપ્તાહમાં ખુલ્લી ગટરની કામગીરી હાથ ધરવામાં આવશે.
દત્તક લીધેલા ગામ ખેરભેરેજા ખાતે આયોજિત 'આઉટરીચ પ્રોગ્રામ - સ્વચ્છાંજલિ ટુ બાપુ' દરમિયાન દરેકની સંપૂર્ણ હૃદયપૂર્વકની ભાગીદારી જોવા મળી હતી. તેમના પરિવારો અને નજીકના ગ્રામજનો સહિત હવાઈ યોદ્ધાઓએ માત્ર પ્રવૃત્તિનો આનંદ માણ્યો જ નહીં પરંતુ સ્વચ્છતાના મહત્વને પણ સમજ્યા હતા.
આ પણ વાંચો -- Ahmedabad News : રિક્ષા ચાલકોની ઉંઘ હરામ કરી નાખનાર બંટી બબલીની ક્રાઈમ બ્રાંચે કરી ધરપકડ
ગુજરાત ફર્સ્ટ તમને સમાચારોથી હંમેશા અવગત રાખશે