છત્તીસગઢમાં ગમખ્વાર અકસ્માતમાં 7બાળકોના કરુણ મોત,બેની હાલત ગંભીર

જણાવવામાં આવી રહ્યું છે કે આ અકસ્માત ત્યારે થયો જ્યારે આ તમામ બાળકો સ્કૂલની રજા બાદ ઓટોમાં ઘરે પરત ફરી રહ્યા હતા. આ દરમિયાન ચીલ્હાટી ચોકડી પાસે પૂરપાટ ઝડપે આવી રહેલી ટ્રકે સામેથી ઓટોને ટક્કર મારી હતી. આ દરમિયાન ઓટો રિક્ષાના ચિથરે ચિથરા ઉડી ગયા હતા, જેના કારણે 5 બાળકોના ઘટનાસ્થળે જ મોત થયા હતા. તે જ સમયે, અકસ્માતમાં ઘાયલ 4 બાળકોને સારવાર માટે હોસ્પિટલમાં દાખલ કરવામાં આવ્યા હતા, જ્યાં વધુ બે બાળકોના મોત નીપજ્યા હતા.

આ અકસ્માતમાં ઓટો ચાલકને પણ ગંભીર ઈજાઓ પહોંચી છે. તેની હાલત પણ નાજુક છે. તમામ ઘાયલોને કોરરના આરોગ્ય કેન્દ્રમાં દાખલ કરવામાં આવ્યા છે. અહીં ઓટોને ટક્કર માર્યા બાદ ટ્રક તેજ ગતિએ ખેતરમાં ઘુસી ગઈ હતી. જણાવવામાં આવી રહ્યું છે કે, અકસ્માત બાદ ટ્રક ડ્રાઈવર ફરાર છે. ઘટના બાદ બાળકોના સ્વજનો શોકમાં ગરકાવ છે. જણાવવામાં આવી રહ્યું છે કે ઘાયલ બે બાળકોની હાલત અત્યંત નાજુક છે. બંને ઘાયલ બાળકોને સારી સારવાર માટે રાયપુર રીફર કરવામાં આવ્યા છે.

આ ઘટના બાદ છત્તીસગઢના મુખ્યમંત્રીએ ટ્વીટ કરીને દુઃખ વ્યક્ત કર્યું છે. તેમણે લખ્યું કે કાંકેર જિલ્લાના કોરર ચિલ્હાટી ચોક પર ઓટો અને ટ્રક વચ્ચે અથડામણને કારણે થયેલા અકસ્માતમાં 5 સ્કૂલના બાળકોના અચાનક મૃત્યુના સમાચાર ખૂબ જ દુઃખદ છે. 4 બાળકો ગંભીર રીતે ઘાયલ, આરોગ્ય વિભાગ દ્વારા શક્ય તમામ મદદ કરવામાં આવી રહી છે. ભગવાન પરિવારના સભ્યોને હિંમત આપે. વહીવટીતંત્રને શક્ય તમામ મદદ માટે સૂચના આપવામાં આવી છે.

ટ્રક અને અર્ટિગા કાર વચ્ચે અકસ્માત સર્જાયો છે. રાજસ્થાનના ભીલકુઆ પાસે અકસ્માતની ઘટના સામે આવી છે. દાહોદના સુખસરના કલાલ પરિવાર લગ્ન માટેની કંકોત્રી આપવા જતા હતા તે દરમિયાન અકસ્માત નડ્યો. આ અકસ્માતમા પરિવારના ત્રણ લોકોના મોત નિપજ્યા છે.  પોલીસે ઘટના સ્થળે પહોંચી મૃતદેહને પી.એમની કાર્યવાહી માટે હોસ્પિટલે ખસેડ્યા છે. અકસ્માતની ઘટનાને લઈને શોકનો માહોલ સર્જાયો છે.

આપણ  વાંચો- એશિયા 2025 સુધીમાં વિશ્વની અડધી વીજળી ખર્ચ કરશે, ભારતમાં માંગ વધી