WPLમાં RCBની બીજો જીત: દિલ્હી કેપિટલ્સ 8 વિકેટે હારી, કેપ્ટન મંધાનાના 81 રન
- ટીમે દિલ્હી કેપિટલ્સ સામે 8 વિકેટે વિજય મેળવ્યો હતો
- વડોદરાના કોટંબી સ્ટેડિયમમાં DC 141 રનમાં ઓલઆઉટ
- RCBએ 16.2 ઓવરમાં 2 વિકેટ ગુમાવીને ટાર્ગેટ ચેઝ કર્યો હતો
ડિફેન્ડિંગ ચેમ્પિયન રોયલ ચેલેન્જર્સ બેંગલુરુ (RCB)એ વુમન્સ પ્રીમિયર લીગ (WPL)માં સતત બીજી જીત નોંધાવી. સોમવારે ટીમે દિલ્હી કેપિટલ્સ સામે 8 વિકેટે વિજય મેળવ્યો હતો. વડોદરાના કોટંબી સ્ટેડિયમમાં DC 141 રનમાં ઓલઆઉટ થઈ ગયું. RCBએ 16.2 ઓવરમાં 2 વિકેટ ગુમાવીને ટાર્ગેટ ચેઝ કર્યો હતો.
RCBની કેપ્ટન સ્મૃતિ મંધાનાએ 47 બોલમાં 81 રન બનાવ્યા. તેણે ડેની વ્યાટ સાથે 107 રનની ઓપનિંગ ભાગીદારી કરી. જ્યોર્જિયા વેરહામ અને રેણુકા સિંહ ઠાકુરે 3-3 વિકેટ લીધી. દિલ્હી તરફથી જેમીમા રોડ્રિગ્ઝે 34 રન બનાવ્યા.
Leading from the front 🫡
Captain Smriti Mandhana putting on a show with her 1⃣st FIFTY this season 🔥👌
This is also her fastest fifty in #TATAWPL 👏👏
Updates ▶ https://t.co/CmnAWvkMnF#DCvRCB | @RCBTweets | @mandhana_smriti pic.twitter.com/LbKMpLKnU7
— Women's Premier League (WPL) (@wplt20) February 17, 2025
રિચાએ વિનિંગ સિક્સ ફટકારી
17મી ઓવરના બીજા બોલ પર રિચા ઘોષે સિક્સર ફટકારી અને ટીમને વિજય અપાવ્યો. તે એલિસ પેરી સાથે 11 રન બનાવી અણનમ રહી. પેરીએ 7 રન બનાવ્યા.
મંધાના 81 રન બનાવીને આઉટ
16મી ઓવરમાં RCBએ પોતાની બીજી વિકેટ ગુમાવી દીધી. શિખા પાંડેએ સ્મૃતિ મંધાનાને કેચ આઉટ કરાવી. મંધાનાએ 47 બોલમાં 81 રન બનાવ્યા. તેણે ઇનિંગ્સમાં 10 ચોગ્ગા અને 3 છગ્ગા ફટકાર્યા. તેણે 27 બોલમાં ફિફ્ટી ફટકારી.
ડેની વ્યાટ 42 રન બનાવીને આઉટ
RCBએ 11મી ઓવરમાં પોતાની પહેલી વિકેટ ગુમાવી દીધી. ડેની વ્યાટે મોટો શોટ રમવાનો પ્રયાસ કર્યો અને કવર પોઝિશન પર જેમિમાહ રોડ્રિગ્ઝે તેનો કેચ કર્યો. વ્યાટે 33 બોલમાં 42 રન બનાવ્યા. તેની ઇનિંગમાં 7 ચોગ્ગાનો સમાવેશ થતો હતો.
RCBએ 100નો આંકડો પાર કર્યો
10મી ઓવરમાં, ડેની વ્યાટે મેરિઝાન કેપ સામે ચોગ્ગો ફટકાર્યો. આ સાથે ટીમે તેની સદી પૂરી કરી. તેની સાથે બેંગલુરુની કેપ્ટન સ્મૃતિ મંધાના પણ પિચ પર હાજર હતી.