Gujarat: રાજ્યમાં 25 થી 30 કિમી પ્રતિકલાકની ઝડપે પવન ફુકાશે, ગરમીથી મળશે આંશિક રાહત
Gujarat: ગુજરાતમાં અત્યારે ગરમીનો પ્રકોપ થોડો ઓછો થયો હોય તેવું લાગી રહ્યું છે. થોડા દિવસથી રાજ્યના વાતાવરણમાં પલટો આવ્યો છે. નોંધનીય છે કે, અત્યારે રાજ્યમાં થોડા અંશે ગરમી તો છે પરંતુ સાથે સાથે પવન પણ ફુંકાઈ રહ્યો છે જેથી લોકોએ રાહતનો શ્વાસ લીધો છે. નોંધનીય છે કે, ગરમીના કારણે લોકો ત્રાહીમામ પોકારી ઉઠ્યા હતા. પરંતુ અત્યારે વાતાવરણમાં પટલો આવ્યો અને આકાશ વાદળછાયું જોવા મળ્યું છે. તમને જણાવી દઇએ કે, આગમી પાંચ દિવસ તો વરસાદની કોઈ સંભાવના નથી. જોકે, હવામાન વિભાગના આગાહી પ્રમાણે રાજ્યના કેટલાક વિસ્તારમાં વરસાદની સંભાવનાઓ વર્તાઈ રહીં છે.
રાજ્યમાં બે થી ત્રણ ડિગ્રી તાપમાન ઘટનાની સંભાવનાઓ
ગુજરાત (Gujarat)માં આગામી થોડા દિવસ તો વરસાદના કોઈ સંભાવનાઓ નથી પરંતુ હા, હવામાન વિભાગની આગાહી પ્રમાણે રાજ્યમાં બે થી ત્રણ ડિગ્રી તાપમાન ઘટનાની સંભાવનાઓ છે. જો કે, વરસાદની વાત કરવામાં આવે તો હજી પણ સાત દિવસ ગુજરાતમાં વરસાદની કોઈ સંભાવનાઓ નથી. આ સાથે હવામાન વિભાગ એવું પણ જણાવ્યું છે કે, આજથી લઈને આગામી ત્રણ દિવસ સુધી ગુજરાતમાં 25થી 30 કિમીની પ્રતિકલાક ઝડપે પવન ફંકાઈ શકે છે. જાણકારી પ્રમાણે કચ્છ, સૌરાષ્ટ્ર, સુનેન્દ્રનગર, પાટણ અને બનાસકાંઠામાં ડસ્ટ સ્ટોર્મની ચેતવણી જાહેર કરવામાં આવી છે.
રાજ્યમાં 25 થી 30 પ્રતિકલાકની ઝડપે પવન ફુકાઈ શકે
આ સાથે વધારે વિગતે વાત કરવામાં આવે તો, રાજ્યમાં દક્ષિણ પશ્ચિમથી હવા આવી શકે છે અને રાજ્યમાં 25 થી 30 પ્રતિકલાકની ઝડપે પવન ફુકાઈ શકે છે . મોસમ વૈજ્ઞાનિકના જણાવ્યા પ્રમાણે, દેશમાં કેરલામાં ચોમાસાના વધામણાં થઇ ગયા છે. ત્યારે સામાનય રીતે ગુજરાતમાં 15 જૂનની આસપાસ ચોમાસું બેસવાની શક્યતા છે. તેમા ચારથી પાંચ દિવસ ઉપર નીચે થઇ શકે છે.
17મી બાદ ફરી પાછી ગરમી પડવાની સંભાવનાઓ
તમને જણાવી દઇએ કે, અત્યારે ગુજરાતમાં હવામાન વિભાગ દ્વારા આગમી 16મી તારીખ સુધી પવન ફુકાશે અને 17મી બાદ ફરી પાછી ગરમી પડવાની સંભાવનાઓ છે. હવામાન વિભાગે આપેલી વિગતો પ્રમાણે વાત કરવામાં આવે તો, છેલ્લા ત્રણ દિવસથી પવનની દિશામાં વધારો થયો છે. જેથી આજે પવનની ગતિ 25 થી 30 કિમી પ્રતિકલાકની રહી શકે છે. જ્યારે જૂન મહિનાના શરૂઆતમાં પવનની ગતિમાં થોડા ઘટાડો જોવા મળી શકે છે.