દીપડાએ યુવક પર કર્યો હુમલો તો યુવકે દોરડાથી બાંધીને દીપડાને બાઈક પર લટકાવી દીધો, Video
કર્ણાટકમાં એક વિચિત્ર કિસ્સો સામે આવ્યો છે. ત્યાં એક વ્યક્તિએ દીપડાને દોરડા વડે બાંધી દીધો અને પછી તેને બાઇક પર લઈ જવા લાગ્યો. તેનો વીડિયો વાયરલ થતા જ ખળભળાટ મચી ગયો હતો. જોકે, બાદમાં તે વ્યક્તિની ઓળખ થઈ હતી. વાયરલ વીડિયોમાં તમે જોઈ શકો છો કે એક વ્યક્તિ બાઇક પર જઈ રહ્યો છે. તેણે દીપડાને પાછળ દોરડા વડે બાંધ્યો હતો, જેની ઉંમર લગભગ 9 મહિના હતી. તેની પાછળ એક વ્યક્તિ વીડિયો બનાવી રહ્યો છે.
આ વ્યક્તિની ઓળખ હસન જિલ્લાના બાગીવાલુ ગામના મુથુ તરીકે થઈ છે. વીડિયો વાઈરલ થયા બાદ જ્યારે વન વિભાગ અને પોલીસે તેની પૂછપરછ કરી તો તેણે નવી વાત કહી. જો કે તે કેટલું સચોટ છે તેની તપાસ કરવામાં આવી રહી છે. મુથુના કહેવા મુજબ તે તેના ખેતરમાં કામ કરી રહ્યો હતો ત્યારે એક દીપડો તેની નજીક આવ્યો હતો. તેણે તેના પર હુમલો કર્યો. આવી સ્થિતિમાં તેણે પહેલા પોતાની જાતને બચાવી, પછી તેને દોરડાથી બાંધીને કાબૂમાં લીધો. જે બાદ તેને બાઇક પાછળ બાંધી દીધો હતો.
તેણે એવો પણ દાવો કર્યો હતો કે જ્યારે કોઈએ તેનો વીડિયો બનાવીને વાયરલ કર્યો ત્યારે તે તેને વન વિભાગમાં લઈ જતો હતો. આ અથડામણમાં તેને સામાન્ય ઈજાઓ પણ થઈ છે. જેમની સારવાર કરાવી હતી. આ મામલે વન વિભાગે પણ તપાસ પૂર્ણ કરી છે. આ મામલે એક અધિકારીએ કહ્યું કે મુથુનો કોઈ ખરાબ ઈરાદો નહોતો. જાગૃતિના અભાવે તેણે બચ્ચાને જે રીતે બાંધ્યું તે ખોટું હતું. દીપડો માત્ર 9 મહિનાનો હતો, તેથી તેને નુકસાન થવાનું હતું નહીં. તેને તુરંત જ ડોક્ટરોની દેખરેખ હેઠળ મોકલવામાં આવ્યો હતો. તેની સારવાર ચાલુ છે.
તેમણે વધુમાં જણાવ્યું હતું કે ઘણી વખત દીપડાઓ જંગલમાંથી નીકળીને ગ્રામ્ય વિસ્તારોમાં આવે છે. આવી સ્થિતિમાં લોકોને જાગૃત કરવામાં આવી રહ્યા છે, જેથી ભવિષ્યમાં આવી ઘટનાઓ ફરી ન બને.
આ પણ વાંચો : Delhi માં પૂર વચ્ચે લાલ કિલ્લાની મુઘલ કાળની તસવીર વાયરલ.. પાણી જ પાણી, જાણો શું છે સત્ય?