Wayanad landslides : 300 થી વધુ મૃતદેહ, 180 હજુ પણ ગુમ, 7 દિવસ બાદ ખૂલી સ્કૂલો...

1. Wayanad landslides નો આજે 7 મો દિવસ
2. 171 મૃતદેહોને પરિવારોને સોંપ્યા
3. હજુ પણ 180 લોકો ફસાયાની આશંકા

વાયનાડ ભૂસ્ખલન (Wayanad landslides)માં માર્યા ગયેલા અજાણ્યા લોકોના મૃતદેહોના સામૂહિક અગ્નિસંસ્કારની પ્રક્રિયા રવિવારે જિલ્લા વહીવટી તંત્ર દ્વારા હાથ ધરવામાં આવી હતી. મૃતદેહોને બહાર કાઢવા માટે અનેક એમ્બ્યુલન્સ ઘટનાસ્થળે પહોંચી હતી. સામૂહિક અંતિમ સંસ્કાર સ્થળ પર મોટી સંખ્યામાં લોકો ઉમટેલા જોવા મળ્યા હતા. કેરળના વાયનાડ (Wayanad)માં એક વિશાળ ભૂસ્ખલનને કારણે 300 થી વધુ લોકોના જીવ ગયા છે. કેરળના મંત્રી કે રાજને કહ્યું કે બચાવ અને રાહત કામગીરી ચાલી રહી છે, અત્યાર સુધીમાં 220 મૃતદેહો મળી આવ્યા છે, જ્યારે ભૂસ્ખલનગ્રસ્ત વાયનાડ (Wayanad) જિલ્લામાં 180 લોકો હજુ પણ ગુમ છે. પ્રેસ કોન્ફરન્સને સંબોધતા રાજને કહ્યું કે 220 મૃતદેહોની સાથે 160 શરીરના મળી આવ્યા છે. તેમણે વધુમાં કહ્યું કે 34 અજાણ્યા મૃતદેહો છે, જ્યારે 171 મૃતદેહો સંબંધીઓને સોંપવામાં આવ્યા છે.

રેસ્ક્યુ ઓપરેશનનો 6 મો દિવસ...

રવિવારે રેસ્ક્યુ ઓપરેશનનો છઠ્ઠો દિવસ હતો. વિવિધ દળોના 1382 સભ્યો અને લગભગ 1800 સ્વયંસેવકો બચાવ કામગીરીનો ભાગ છે. તમામ દળો પોતાનું કામ કરી રહ્યા છે.

30 જુલાઈના રોજ ભૂસ્ખલન થયું હતું...

દિવસની શરૂઆતમાં, કેન્દ્રીય પ્રધાન જ્યોર્જ કુરિયન PM નરેન્દ્ર મોદીને મળ્યા હતા અને તેમને કેરળના ભૂસ્ખલનગ્રસ્ત વાયનાડ (Wayanad)માં કેન્દ્રીય દળો/એજન્સીઓ દ્વારા હાથ ધરવામાં આવેલી નોંધપાત્ર રાહત અને બચાવ કામગીરી વિશે માહિતગાર કર્યા હતા. શુક્રવાર સુધી, 30 જુલાઈના રોજ વાયનાડ (Wayanad)ના ચુરામાલા અને મુંડક્કાઈમાં ભૂસ્ખલનને કારણે 308 લોકોના મોતની પુષ્ટિ થઈ છે.

આ પણ વાંચો : Jammu and Kashmir : શું હતું આર્ટિકલ 370, પાંચ વર્ષ સમાપ્ત, જાણો અત્યાર સુધીમાં શું બદલાયું...!

2-2 લાખની એક્સ-ગ્રેશિયા રકમની જાહેરાત...

અગાઉ, PM મોદીએ મૂશળધાર વરસાદને પગલે કેરળના વાયનાડ (Wayanad)માં અનેક ભૂસ્ખલનમાં માર્યા ગયેલા લોકોના પરિવારજનો માટે 2 લાખ રૂપિયાની સહાયની જાહેરાત કરી હતી.

આ પણ વાંચો : PM MODI નો વાયદો આજે થશે પૂરો...ED કરશે આ કામ...

હજુ પણ ઘણા લોકો ફસાયેલા હોવાની આશંકા...

કેરળના વાયનાડ (Wayanad)માં શોધ અને બચાવ કામગીરી ચાલી રહી છે, કારણ કે કાટમાળ નીચે હજુ પણ ઘણા લોકો ફસાયા હોવાની આશંકા છે. અગાઉ, કેરળના મુખ્યમંત્રી કાર્યાલયે જણાવ્યું હતું કે ભૂસ્ખલન થતાં ચૂરમાલા અને મુંડક્કાઈ વિસ્તારોમાં પોલીસનું નાઇટ પેટ્રોલિંગ શરૂ કરવામાં આવ્યું છે. CM ઓફિસના નિવેદનમાં કહેવામાં આવ્યું છે કે જે લોકો રાત્રે પીડિતોના ઘરો અથવા વિસ્તારોમાં અતિક્રમણ કરશે તેમની સામે કાર્યવાહી કરવામાં આવશે. કોઈએ બચાવ કામગીરી માટે પોલીસની પરવાનગી વિના રાત્રે આ સ્થળોએ ઘરો અથવા વિસ્તારોમાં પ્રવેશ કરવો જોઈએ નહીં.

આ પણ વાંચો : Bihar : વીજ કરંટ લાગતા 9 કાવડીયાના મોત, લોકોમાં ભારે રોષ