Viral Video : Vande Bharat Train ની ટોયલેટમાં બીડી પી રહ્યો હતો એક વ્યક્તિ, એલાર્મ વાગ્યો અને પછી...
વંદે ભારત એક્સપ્રેસમાંથી એક મુસાફરની ધરપકડ કરવામાં આવી છે. મામલો બુધવારનો છે. તે ટ્રેનના ટોયલેટમાં ધૂમ્રપાન કરતો પકડાયો હતો. જેના કારણે ફાયર એલાર્મ વાગ્યું. પૂછપરછ કરતાં જાણવા મળ્યું કે તે બીડી પીતો હતો. આરોપી તિરુપતિ-સિકંદરાબાદ ટ્રેનના ટોયલેટ બંધ કરીને બીડી પીતો હતો. તે તિરુપતિથી ટ્રેનમાં ચઢ્યો હતો અને પોતાને C-13 કોચના ટોયલેટ બંધ કરી દીધો હતો. બાદમાં, જ્યારે તેણે શૌચાલયની અંદર બીડી સળગાવી, ત્યારે એરોસોલ અગ્નિશામક સક્રિય થઈ ગયું.
આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. જેમાં ટ્રેનની કેબિનમાં ધુમાડો દેખાઈ રહ્યો છે. સાથે જ લોકોને ટ્રેનમાંથી બહાર કાઢવામાં આવી રહ્યા છે. ત્યારબાદ આરોપી મુસાફરને રેલ્વે પોલીસ ફોર્સ દ્વારા નેલ્લોર ખાતેથી કસ્ટડીમાં લેવામાં આવ્યો હતો અને તેની સામે રેલ્વે એક્ટ મુજબ યોગ્ય કાર્યવાહી કરવામાં આવશે. એવું કહેવામાં આવી રહ્યું છે કે આરોપી ટિકિટ વિના મુસાફરી કરી રહ્યો હતો.
Vande Bharat Express : વંદે ભારત ટ્રેનના ટોયલેટમાં એક વ્યક્તિએ બીડી પીધા બાદ શું થયું ? #tirupati #sikanderabad #VandeBharat #vandebharatexpress #smoking #arrested #gujaratfirst pic.twitter.com/NERa7ySif5
— Gujarat First (@GujaratFirst) August 10, 2023
ફાયર એલાર્મ આપોઆપ સક્રિય થાય છે
આ ઘટનાને કારણે ટ્રેન લગભગ અડધો કલાક રોકાઈ હતી. ડિવિઝનલ રેલવે મેનેજર વિજયવાડાના જણાવ્યા અનુસાર, 'C13ના ટોયલેટની અંદર એક મુસાફર ધૂમ્રપાન કરતો હતો. તેણે કહ્યું, 'જ્યારે ધુમાડો નીકળે છે ત્યારે ફાયર એલાર્મ આપમેળે સક્રિય થઈ જાય છે. આરપીએફ દ્વારા નેલ્લોરમાં તે મુસાફરની અટકાયત કરવામાં આવી છે. યોગ્ય કાર્યવાહી કરવામાં આવશે.
આ વીડિયોને 32 હજારથી વધુ લોકોએ જોયો છે. લોકો તેને ખૂબ શેર કરી રહ્યા છે. કોમેન્ટ કરીને પણ તમારો પ્રતિભાવ આપો.
આ પણ વાંચો : શિક્ષકે છોકરીઓ સાથે કર્યું કંઇક એવું કે, લોકોએ આપી જબરદસ્ત પ્રતિક્રિયા…, Viral Video