Cyclone Biparjoy : અમદાવાદમાં ભારે પવન સાથે ધોધમાર વરસાદ

અમદાવાદમાં પણ વિનાશક વાવાઝોડા બિપરજોયની અસર જોવા મળી છે.  વાવાઝોડાને કારણે, આજે સાંજે અમદાવાદના અનેક વિસ્તારમાં વરસાદ વરસ્યો છે. અમદાવાદના પશ્ચિમ વિસ્તારમાં વરસાદ વરસ્યો છે. વસ્ત્રાપુર, ઘાટલોડિયા, જોધપુર સહીતના વિસ્તારમાં અચાનક વરસાદ તુટી પડ્યો હતો.

શહેરના અનેક વિસ્તારોમાં વરસ્યો વરસાદ
અમદાવાદમાં બિપોરજોય વાવાઝોડાને પગલે શહેરનાં અનેક વિસ્તારોમાં વરસાદ વરસવાનો શરૂ થઈ જવા પામ્યો હતો. જેમાં લોકોની અવર જવરથી ધમધમતા એસ.જી.હાઈવે. બોડકદેવ તેમજ માનસી સર્કલ વિસ્તારમાં ધોધમાર વરસાદ વરસ્યો હતો.

સમુદ્રી વાવાઝોડાના કારણે કચ્છના મુંદ્રાના દરિયાકાંઠા વિસ્તારોમાં ભારે પવન ફુંકાવાની શરૂઆત થઈ ગઈ છે, દરીયાકાંઠા વિસ્તારોમાં ભારે પવન સાથે વરસાદ પડી રહ્યો છે. ભારે પવનના કારણે લોકોની મુશ્કેલી વધી છે. કચ્છના માંડવી અને આસપાસના ગ્રામ્ય વિસ્તારમાં ભારે પવન સાથે વરસાદ શરૂ થયો છે. માંડવી અને આસપાસના વિસ્તારમાં બિપરજોય વાવાઝોડાની અસર વર્તાવા લાગી છે. સવારથી અત્યાર સુધીમાં વાતાવરણમાં અનેક વખત પલટો આવ્યો છે.

આપણ  વાંચો -બિપરજોય વાવાઝોડાને લઇને પાવગઢ મંદિરઆટલો સમય રહેશે બંધ, રોપ-વે સેવા ચાર દિવસ બંધ