Threat : RBI અને અન્ય બેંકોને બોમ્બથી ઉડાવી દેવાની ધમકી, ઈમેલ દ્વારા આપી ચેતવણી...
મુંબઈ પોલીસે કહ્યું છે કે આરબીઆઈને ધમકીભર્યો ઈમેલ મળ્યો છે. ઈમેલમાં કહેવામાં આવ્યું હતું કે આરબીઆઈ ઓફિસ, એચડીએફસી બેંક અને આઈસીઆઈસીઆઈ બેંકમાં બોમ્બ પ્લાન્ટ કરવામાં આવશે. આ ઈમેલમાં RBI ગવર્નર શક્તિકાંત દાસ અને કેન્દ્રીય નાણા મંત્રી નિર્મલા સીતારમણના રાજીનામાની માંગ કરવામાં આવી હતી.
પોલીસે જણાવ્યું કે મુંબઈમાં કુલ 11 સ્થળોએ બોમ્બની ધમકીઓ આપવામાં આવી હતી. આ ધમકીભર્યો ઈમેલ મોકલનાર ખિલાફત ઈન્ડિયા સાથે સંકળાયેલા હોવાનો દાવો કર્યો છે. પોલીસે આ તમામ સ્થળોએ જઈને તપાસ કરી હતી પરંતુ કંઈ મળ્યું ન હતું. પોલીસના જણાવ્યા અનુસાર કેસ નોંધવામાં આવ્યો છે અને તપાસ ચાલુ છે.
Maharashtra | RBI received a threatening email, in the email, it was said that bombs would be planted in RBI office, HDFC bank and ICICI bank and demanded the resignation of RBI governor Shaktikanta Das and Union Finance Minister Nirmala Sitharaman. A total of 11 bomb threats…
— ANI (@ANI) December 26, 2023
શું ઈમેલમાં ધમકી આપનાર વ્યક્તિએ બ્લાસ્ટનો સમય જણાવ્યો હતો?
મુંબઈ પોલીસને મોકલવામાં આવેલા ધમકીભર્યા ઈમેલમાં કહેવામાં આવ્યું છે કે મુંબઈ શહેરમાં 11 જગ્યાએ બોમ્બ મૂકવામાં આવ્યા છે. ઈમેલમાં કહેવામાં આવ્યું હતું કે મંગળવારે બપોરે લગભગ 1.30 વાગ્યે બ્લાસ્ટ થવાનો છે. આ પછી અફડાતફડી મચી ગઈ હતી અને હંગામા વચ્ચે પોલીસે દરેક જગ્યાએ તપાસ કરી હતી પરંતુ કંઈપણ શંકાસ્પદ મળ્યું ન હતું. આ સંદર્ભે મુંબઈની એમઆરએ માર્ગ પોલીસે કેસ નોંધીને તપાસ શરૂ કરી છે.
આ પણ વાંચો : Jammu Kashmir : ‘નહીંતર અમારું ભાગ્ય ગાઝા અને પેલેસ્ટાઈન જેવું થશે’, ફારૂક અબ્દુલ્લાએ આ શું કહ્યું?