Cyber Criminal ની હવે ખેર નથી...!

Cyber Criminal : વધતા જતાં સાયબર ક્રાઇમને રોકવા માટે હવે સરકારના ત્રણ વિભાગો એક સાથે કામ કરશે. ટેલિકોમ્યુનિકેશન વિભાગ, ગૃહ મંત્રાલય અને રાજ્ય પોલીસ સાયબર છેતરપિંડી (Cyber Criminal ) કરનારાઓ વિરુદ્ધ કાર્યવાહી કરવા માટે સાથે મળીને કામ કરશે.

નાગરિકોને ડિજિટલ જોખમોથી બચાવવાનો હેતુ

ટેલિકોમ્યુનિકેશન વિભાગે 28,200 મોબાઈલ હેન્ડસેટને બ્લોક કરવા અને તેનાથી સંબંધિત 20 લાખ મોબાઈલ કનેક્શનને ફરીથી વેરિફાઈ કરવા માટે સૂચનાઓ જારી કરી છે. ડિપાર્ટમેન્ટ ઓફ ટેલિકોમ્યુનિકેશન્સ (DOT), ગૃહ મંત્રાલય (MHA) અને રાજ્ય પોલીસ સાયબર ગુનાઓ અને નાણાકીય છેતરપિંડીઓમાં ટેલિકોમ સંસાધનોના દુરુપયોગને રોકવા માટે એકસાથે આવ્યા હતા. આ પહેલનો હેતુ છેતરપિંડી કરનારાઓના નેટવર્કને ખતમ કરવાનો અને નાગરિકોને ડિજિટલ જોખમોથી બચાવવાનો છે.

સાયબર ગુનાઓમાં 28,200 મોબાઈલ હેન્ડસેટનો દુરુપયોગ

ગૃહ મંત્રાલય અને રાજ્ય પોલીસ દ્વારા કરવામાં આવેલા વિશ્લેષણમાં જાણવા મળ્યું છે કે સાયબર ગુનાઓમાં 28,200 મોબાઈલ હેન્ડસેટનો દુરુપયોગ કરવામાં આવ્યો હતો. DoTએ વધુ વિશ્લેષણ કર્યું અને જાણવા મળ્યું કે આ મોબાઈલ હેન્ડસેટ્સ સાથે 20 લાખ નંબરનો ઉપયોગ કરવામાં આવ્યો હતો. આ આંકડા ચોંકાવનારા છે. ગૃહ મંત્રાલય અને PUL સાથેની બેઠક બાદ, દૂરસંચાર વિભાગે દેશભરના ટેલિકોમ સેવા પ્રદાતાઓને 28,200 મોબાઈલ હેન્ડસેટ બ્લોક કરવા અને આ મોબાઈલ હેન્ડસેટ્સ સાથે જોડાયેલા 20 લાખ મોબાઈલ કનેક્શન્સ જો તેઓ વેરિફિકેશન અને રિ-વેરિફિકેશન કરવામાં નિષ્ફળ જાય તો તરત જ ફરીથી વેરિફિકેશન કરવાનો નિર્દેશ આપ્યો હતો અને કનેકશન કાપી નાખવા સૂચનાઓ જારી કરી હતી.

આર્ટિફિશિયલ ઈન્ટેલિજન્સથી પણ છેતરપીંડી

પોલીસનું કહેવું છે કે જાહેર સલામતી અને ટેલિકોમ્યુનિકેશન ઈન્ફ્રાસ્ટ્રક્ચરની અખંડિતતાનું રક્ષણ કરતી વખતે સુરક્ષિત ડિજિટલ વાતાવરણ સુનિશ્ચિત કરવા માટે આ પ્રયાસો કરવામાં આવી રહ્યા છે. ત્રણેય વિભાગોના સંયુક્ત પ્રયાસો તેમની પ્રતિબદ્ધતાને પ્રતિબિંબિત કરે છે. ટેક્નોલોજીના વધતા ઉપયોગ સાથે સાયબર ફ્રોડના બનાવો પણ વધ્યા છે. હવે આર્ટિફિશિયલ ઈન્ટેલિજન્સની મદદથી એવો દાવો કરવામાં આવી રહ્યો છે કે નકલી અવાજો બનાવીને બાળકોનું અપહરણ કરવામાં આવ્યું છે અને તેમના માતા-પિતા પાસેથી પૈસા લૂંટવામાં આવે છે. આ સિવાય પણ અનેક પ્રકારની છેતરપિંડી કરવામાં આવી રહી છે. પોલીસે તેમની સામે કાર્યવાહી હાથ ધરી છે.

આ પણ વાંચો------ Delhi : કેજરીવાલ નહીં જઇ શકે CM ઓફિસ

આ પણ વાંચો------ Uttar Pradesh : જુઠ્ઠા બળાત્કાર કેસમાં યુવક ચાર વર્ષ બાદ આવ્યો જેલની બહાર, યુવતીને પણ કોર્ટે ફટકારી એટલી જ સજા