Surendranagar : વધુ એક ગમખ્વાર અકસ્માત, હોમગાર્ડ જવાન સહિત 2 યુવકના મોત
- Surendranagar ના લીંબડી-ચુડા હાઈવે પર અકસ્માત
- હોમગાર્ડ જવાન સહિત 2 યુવકોના મોત નીપજ્યા
- રેલવે ફાટક નજીક ધડાકાભેર બે બાઈક અથડાઈ હતી
સુરેન્દ્રનગરમાંથી (Surendranagar) વધુ એક ગોઝારા અકસ્માતની ઘટના સામે આવી છે. લીંબડી-ચુડા હાઈવે (Limbdi-Chuda highway) પર રેલવે ફાટક નજીક બે બાઈક ધડાકાભેર અથડાઈ હતી. આ અકસ્માતમાં હોમગાર્ડ જવાન સહિત 2 યુવકના ઘટના સ્થળ પર જ મોત નીપજ્યા છે. જ્યારે અન્યને ઇજા થતાં સારવાર અર્થે હોસ્પિટલ ખસેડવામાં આવ્યા છે. આ મામલે સ્થાનિક પોલીસે તપાસ હાથ ધરી છે.
આ પણ વાંચો - Diu માં સહેલાણીઓનો સેલાબ, નાળિયા-માંડવી પાસે બની રહ્યો છે સાસણ ગીર સફારી પાર્ક!
લીંબડી-ચુડા હાઈવે પર ગમખ્વાર અકસ્માત
સુરેન્દ્રનગરમાં (Surendranagar) ગઈકાલે મોડી રાતે પાટડી-દસાડાથી કઠાડા તરફ જતા રસ્તા પર સર્જાયેલા અકસ્માતમાં સ્ટેટ મોનિટરિંગ સેલનાં (SMC) PSI જે.એમ. પઠાણનું મોત નીપજ્યું હતું. જ્યારે, બે કોન્સ્ટેબલ ઇજાગ્રસ્ત થયા હતા. આ દુ:ખદ ઘટના બાદ સુરેન્દ્રનગર જિલ્લામાં વધુ એક ગમખ્વાર અકસ્માતનાં (Road Accident) સમાચાર આવ્યા છે. પ્રાપ્ત માહિતી અનુસાર, લીંબડી-ચુડા હાઈવે પર રેલવે ફાટક નજીક બે બાઇક ધડાકાભેર સામસામે અથડાઈ હતી.
આ પણ વાંચો - Rajkot : હથિયાર અને જીવતા કાર્ટીઝ સાથે 4 ની ધરપકડ, પૂછપરછમાં મોટા ખુલાસાની આશંકા!
હોમગાર્ડ જવાન સહિત 2 યુવકના મોત
આ અકસ્માતમાં એક હોમગાર્ડ જવાન (Home Guard) જનકભાઈ પરમાર સહિત બે યુવકના ઘટના સ્થળે પર જ મોત નીપજ્યા છે. જ્યારે અન્ય એક વ્યક્તિને ઈજાઓ પહોંચતા સારવાર અર્થે નજીકની હોસ્પિટલ ખસેડવામાં આવી છે. અકસ્માતને પગલે હાઈવે પર ટ્રાફિક જામનાં દ્રશ્યો સર્જાયા હતા. જ્યારે સ્થાનિક પોલીસની ટીમ પણ ઘટના સ્થળે દોડી આવી હતી. આ મામલે પોલીસે તપાસ હાથ ધરી છે.
આ પણ વાંચો - Surendranagar : દારૂ ભરેલી કાર પકડવા જતાં ટ્રકની ટક્કરે SMC નાં PSI નું મોત, બે કોન્સ્ટેબલને ઇજા