Surat News : સાયણમાંથી 78.72 લાખની કિમતનો ગાંજાનો જત્થો ઝડપાયો

સુરત જિલ્લાના સાયણ ગામે આવેલા એવરવિલા સોસાયટીના એક મકાનમાંથી તેમજ ટ્રકમાંથી પોલીસે ગાંજાનો જત્થો ઝડપી પાડ્યો છે, પોલીસે 78.72 લાખની કિમતનો ગાંજો તેમજ એક ટ્રક સહીત કુલ 88.79 લાખનો મુદામાલ જપ્ત કર્યો છે અને આ મામલે કાયદેસરની કાર્યવાહી હાથ ધરી છે.

સાયણ ગામની સીમમાં આવેલા એવરવિલા સોસાયટીના મકાન ન. 120 માં તેમજ સોસાયટીના રોડ પર પાર્ક રહેલા ટ્રકમાં ગાંજાનો જત્થો છુપાવ્યો હોવાની બાતમીના આધારે એસઓજી અને ઓલપાડ પોલીસ દ્વારા દરોડો પાડવામાં આવ્યો હતો. પોલીસે ટ્રકમાં તપાસ કરતા તેમાં ચોરખાનું બનાવીને મીણીયા કોથળામાંથી ગાંજાનો જત્થો મળી આવ્યો હતો.

પોલીસે 78,72,260 ની કિમતનો 787.226 કિલોગ્રામ ગાંજો, 10 લાખની કિમતનો ટ્રક તેમજ એક મોબાઈલ ફોન મળી કુલ 88.79 લાખનો મુદામાલ જપ્ત કર્યો હતો. આ ઘટનામાં પોલીસે ટ્રકના માલિક નિત્યાનંદા નરસિંગ દલાબહેરા, ટ્રકના ચાલક તેમજ ગાંજાનો જત્થો ભરી આપનાર તથા મંગાવનાર ઇસમોને વોન્ટેડ જાહેર કરી કાયદેસરની કાર્યવાહી હાથ ધરી છે.

અહેવાલ : ઉદય જાદવ, સુરત

આ પણ વાંચો : Bharuch News : દિવાળીના વેકેશનને લઈ ગુજરાત ભરમાંથી પ્રવાસીઓએ કબીરવડ ખાતે રજાની મજા માણી…