Indian Armyનો ગુસ્સો, 2ની સામે 5ને ઢાળી દીધા....

• જમ્મુ-કાશ્મીરમાં સુરક્ષાદળોએ 5 આતંકવાદીઓને ઠાર કર્યા
• બારામુલ્લા જિલ્લામાં 3 અને કઠુઆમાં 2 આતંકવાદીઓને ઠાર કર્યા
• કિશ્તવાડમાં બે જવાન શહીદ

Indian Army : જમ્મુ-કાશ્મીરમાં આતંકવાદીઓ વિરુદ્ધ કડક કાર્યવાહી હાલ ચાલી રહી છે. બારામુલ્લા જિલ્લામાં આજે સવારે સુરક્ષા દળો સાથેની અથડામણમાં ત્રણ આતંકવાદીઓ માર્યા ગયા હોવાના અહેવાલ છે. સૂત્રોએ આ માહિતી આપી છે. તમને જણાવી દઈએ કે ભારતીય સેના (Indian Army)અને જમ્મુ અને કાશ્મીર પોલીસ દ્વારા આતંકવાદીઓની હાજરી વિશે ચોક્કસ ગુપ્ત માહિતીના આધારે ઓપરેશન શરૂ કરવામાં આવ્યું હતું. ઉત્તર કાશ્મીર જિલ્લાના પટ્ટન વિસ્તારના ચક તાપર ક્રિરીમાં શુક્રવારે મોડી રાત્રે ગોળીબાર શરૂ થયો હતો. દરમિયાન, એક અલગ એન્કાઉન્ટરમાં, સેનાના રાઇઝિંગ સ્ટાર કોર્પ્સ યુનિટના જવાનોએ શુક્રવારે કઠુઆમાં બે આતંકવાદીઓને ઠાર કર્યા હતા.

આતંકવાદીઓએ સુરક્ષાદળો પર ગોળીબાર કર્યો

એક પોલીસ અધિકારીના જણાવ્યા અનુસાર, વિસ્તારમાં સર્ચ ઓપરેશન દરમિયાન આતંકવાદીઓએ સુરક્ષાદળો પર ગોળીબાર કર્યો, ત્યારબાદ તેમની વચ્ચે અથડામણ શરૂ થઈ. તેમણે કહ્યું કે સુરક્ષા દળોએ વિસ્તારને ચારે બાજુથી ઘેરી લીધો હતો અને સવારે અથડામણમાં ત્રણ આતંકવાદીઓને ઠાર કર્યા હતા.

આ પણ વાંચો---સુરક્ષિત ગણાતા Jammu Regionમાં કેમ આતંકી હુમલા વધ્યા?

આતંકવાદીઓની ઓળખ શરુ

આતંકવાદીઓની ઓળખ અને તેઓ કયા સંગઠન સાથે સંકળાયેલા હતા તે શોધવાના પ્રયાસો કરવામાં આવી રહ્યા છે.

કિશ્તવાડમાં બે જવાન શહીદ થયા હતા

આ પહેલા શુક્રવારે જમ્મુ-કાશ્મીરના કિશ્તવાડ જિલ્લાના છત્રુ વિસ્તારમાં સુરક્ષાદળો અને આતંકવાદીઓ વચ્ચેની અથડામણમાં બે જવાન શહીદ થયા હતા અને અન્ય બે ઘાયલ થયા હતા. સેનાએ કહ્યું કે ચોક્કસ માહિતીના આધારે સુરક્ષા દળોએ છત્રુ વિસ્તારના નૈદગામ વિસ્તારમાં ઘેરાબંધી અને સર્ચ ઓપરેશન શરૂ કર્યું. આ દરમિયાન જ્યારે સુરક્ષા દળો ચોક્કસ વિસ્તાર તરફ આગળ વધી રહ્યા હતા ત્યારે ત્યાં છુપાયેલા આતંકવાદીઓએ તેમના પર ગોળીબાર કર્યો હતો. આ પછી સુરક્ષાદળોએ જવાબી કાર્યવાહીમાં ગોળીબાર કર્યો હતો. સેનાએ જણાવ્યું હતું કે, "ચત્રુ વિસ્તારના નૈદગામ ગામની ઉપરના ભાગમાં પિંગનાલ દુગડ્ડા જંગલ વિસ્તારમાં સુરક્ષા દળોની શોધ ટુકડીઓ અને છુપાયેલા આતંકવાદીઓ વચ્ચે ગોળીબાર થયો હતો." તેમણે કહ્યું કે ફાયરિંગ દરમિયાન બે જવાન શહીદ થયા અને બે ઘાયલ થયા.

આતંકવાદીઓ સાથે અથડામણ

વ્હાઇટ નાઈટ કોર્પ્સના જનરલ-ઓફિસર-કમાન્ડિંગ (GOC) અને તમામ રેન્કના અધિકારીઓએ બહાદુરોના સર્વોચ્ચ બલિદાનને સલામ કરતી વખતે પીડિતોના પરિવારો પ્રત્યે ઊંડી સંવેદના વ્યક્ત કરી છે. આ પહેલા વ્હાઈટ નાઈટ કોર્પ્સે કહ્યું હતું કે ઈન્ટેલિજન્સ ઈનપુટના આધારે કિશ્તવાડના છત્રુ વિસ્તારમાં જમ્મુ અને કાશ્મીર પોલીસ સાથે સંયુક્ત ઓપરેશન શરૂ કરવામાં આવ્યું હતું અને આ દરમિયાન આતંકવાદીઓ સાથે અથડામણ થઈ હતી.

આ પણ વાંચો----Baramullaમાં 3 આતંકી ઠાર, કિશ્તવાડમાં JCO સહિત બે જવાન શહીદ